Pokrov (lidn, Venäma)

Pokrov
Покров
	Lidnanznam;
Valdkund	Venäma
Eläjiden lugu (2021)	16,542 ristitud
Pind	19 km²
Pämez'	Oleg Kisläkov; (sügüz'ku 2015—)
Telefonkod	+7−49 243-xx-xxx
Avtokod	33
Aigvö	UTC+3 (MSK+0)

Pokrov (ven.: Покро́в «kate» vai «kaičend») om Venäman lidn Vladimiran agjan päivlaskmas. Mülüb Petuškan rajonha lidnankundaks, sen kaikiš suremb lidn.

Istorii[redaktiruida | redaktiruida purde]

Eländpunkt mainitase ezmäižen kerdan vl 1506 kuti külä läz Antonii Pokrovskijan jumalankodid. Vozil 1678−79 se sai partiarhan Pokrovskoje-külä-nimed. Pokrovskijan jumalankodi oli olmas vhesai 1711, tühjitadud. Vspäi 1778 külä tegihe lidnaks nügüdläiženke nimenke.

Pokrovan ižandusen päsarakod oma sömtegimišt (järed šokoladfabrik i pränikoiden tehmine), biopreparatoiden i raudbetontegesiden pästand, mugažo juvelirine i elektromehanine tegimed ratas, omblendfabrik om olmas.

Geografijan andmused[redaktiruida | redaktiruida purde]

Lidn sijadase Šitkanjogen randal (lankteb Vol'ganjogehe) vides kilometras Kläz'man randaspäi, sen hural randpolel, 125 m ü.m.t. keskmäižel korktusel. Pokrov om ümbärtud penil järvil da pedaimecoil. Matkad Petuškad-lidnhasai om 18 km päivnouzmha, Vladimirhasai — 81 km päivnouzmha. Lähembaižed järedad lidnad sijadasoiš Moskvan agjas: Jegor'jevsk 60 km suvhe orhal, Orehovo-Zujevo 20 km suvipäivlaskmha i Noginsk 45 km päivlaskmha orhal.

Pokrov om lidnankundan üks'jäine eländpunkt.

Eläjad[redaktiruida | redaktiruida purde]

Vn 2010 Venäman rahvahanlugemižen mödhe eläjiden lugu oli 17 756 ristitud. Kaikiš suremb ristitišt om 17..18 tuhad eläjid vozil 2010−2017.

Ortodoksižen hristanuskondan Jumalanmaman Katken jumalanpert' om olmas lidnas 16. voz'sadaspäi (kivine vspäi 1672), sen ližaks om koume tošt jumalanpertid i časoun'^[1]. Ph. Stroican päjumalanpert' om kaičenus vaiše paloin. Jumalanmaman Tulendan Pühäpertihe sar'hine naižjumalankodi om väges vspäi 1991 (mez'jumalankodi vll 1708−1919), sijadase lidnan lodehližel röunal.

Socialiž-gumanitarine kolledž^[2] (Pokrov) om professionaližen opendusen aluzkundaks.

Lidnan Administracijan pämez' om Oleg Kotrov vn 2018 heinkuspäi.

Transport[redaktiruida | redaktiruida purde]

Federaline «Volg»-avtote (M7) läbitab lidnad. Avtobusstancii radab trassan teverel.

Pokrov-raudtestancii sijadase nelläs kilometras suvipäivnouzmha lidnan keskusespäi «Moskv — Vladimir»-raudtekeskustal.

Galerei[redaktiruida | redaktiruida purde]

Pokrovan kodirandantedištandmuzei (2013)
Jumalanmaman Katken jumalanpert', vn 2009 nägu
Šokoladfejan muštpacaz vl 2011
Jumalanmaman Tulendan Pühäpertihe sar'hine naižjumalankodi, vn 2011 nägu
Pokrov-päraudtestancijan sauvuz vl 2010

Homaičendad[redaktiruida | redaktiruida purde]

Irdkosketused[redaktiruida | redaktiruida purde]

Municipaližen «Pokrov-lidn»-ühtnikan tobmuden aluzkundoiden oficialine sait (pokrovcity.ru). (ven.)

Pokrov (lidn, Venäma) Vikiaitas

	Vladimiran agjan lidnad
	Aleksandrov \| Gorohovec \| Gus' Hrustal'nii \| Jur'jev Pol'skii \| Kameškovo \| Karabanovo \| Kiržač \| Kol'čugino \| Kosterövo \| Kovrov \| Kurlovo \| Lakinsk \| Melenkad \| Murom \| Petuškad \| Pokrov \| Radužnii \| Sobink \| Strunino \| Sudogd \| Suzdal' \| Vladimir \| Väznikad

[1] Pokrovan pühäpertid sobory.ru-saital. (ven.)

[2] Pokrov-lidnan Socialiž-gumanitarižen kolledžan sait (college-pokrov.ru). (ven.)

[1]

[2]