Radužnii (Vladimiran agj)

Radužnii
Радужный
Lidnanznam;	Flag;
Valdkund	Venäma
Eläjiden lugu (2021)	17,569 ristitud
Pind	113,2 km²
Pämez'	Andrei Kolgaškin; (reduku 2020—)
Telefonkod	+7−49 254-xx-xxx
Avtokod	33
Aigvö	UTC+3 (MSK+0)

Sil sanal voib olda toižid znamoičendoid; miše nähta niid, tulgat tänna.

Radužnii (ven.: Ра́дужный) om Venäman lidn Vladimiran agjan keskuzpalas. Se om sauptud administrativiž-territorialine ühtnik (vspäi 1998), Vladimiran suvine ezilidn, lidn agjan alištusenke.

Istorii

Eländpunktan aluz om pandud vl 1971 kuti kaičendministrusen tegimišton žilo «Raduga»-konstruktorbüron radnikoiden täht sodunus tahos. Vl 1977 se sai radnikžilon statusad Vladimir-30-nimenke. Vn 1991 tal'vkun 2. päiväl žilo kändihe lidnaks nügüdläiženke nimenke.

Radužnijan ižandusen päsarak om ladimensauvomine, mugažo sömtegimišton edheotandad (lihaprodukcii) da mebel'ceh oma saudud. Raduga-lazersodapoligon («Jumalanbembel'») sijadase lidnan suvipäivlaskmpoles.

Geografijan andmused

Lidn sijadase Kläz'man oiktal randpolel (Volgan oigedpol'ne bassein) vides kilometras jogespäi, seižub 160 m ü.m.t. keskmäižel korktusel. Radužnijan pindan ühesa kümnendest om kattud mecoil.

SATÜ röunatab agjan koumenke rajonanke: Sudogdan rajon om pohjoižes i päivnouzmas, Gus' Hrustal'nijan rajon levitase suves, Sobinkan rajon om ani päivlaskmha.

Matkad Vladimiran röunhasai om läz kümned kilometrad pohjoižhe orhal, läz 20 km suvipäivnouzmha avtotedme.

Tobmuz

Radužnii om SATÜ:n üks'jäižeks eländpunktaks.

Edeline Nevondkundan ezimez' om Andrei Kolgaškin (reduku 2015 — kezaku 2020), hän radab lidnan nügüdläižen pämehen. Siti-menedžer oli Sergei Naiduhov vn 2015 kül'mkuspäi, edel sidä hän radoi lidnan Administracijan pämehen vspäi 1995.

Eläjad

Vn 2010 Venäman rahvahanlugemižen mödhe lidnan eläjiden lugu oli 18 211 ristitud, vn 2021 — 17 569 ristitud. Ristitišton lugu om läz kaikenaigaine, vspäi 1996 17..18 tuhad elädas lidnas. Kaikiš suremb lidnan ristitišt oli 18 535 eläjad vl 2017 i 18 500 eläjad vll 2000−2001.

Rahvahad (enamba 0,4 % vl 2021): venälaižed — 92,1 %, ukrainalaižed — 1,1 %, vaugedvenälaižed — 0,5 %, toižed rahvahad — 2,4 %, rahvahuden ozutandata — 3,9 %.

Ortodoksižen hristanuskondan koume pühäpertid^[1] oma avaitud lidnas: Jumalanmaman Kazanin jumalaižen naižjumalankodi (vspäi 2005, Jelisavetan i Varvaran jumalanpertinke), Venäman uziden moknikoiden da hengenavaidamižen kundlijoiden puine pühäpert' i heiden-žo časoun'.

Openduz

Lapsiden opendusen aluzkundad oma koume päivkodid, augotižškol-päivkodi, kaks' keskškolad, lapsiden sädamižen keskuz, čomamahtoiden škol, lapsiden da norišton sportškol.

Vladimiran tehnologine kolledž^[2] om lidnan professionaližen opendusen aluzkundaks.

Galerei

Lapsiden bobuštuzlavut Ezmäižen fartalan tanhas (viluku 2007)
Mec lidnas (2006)
Koumanz' fartal laukanke vl 2007
Personaližed linmad (2013)

Homaičendad

Irdkosketused

Lidnan tobmuden aluzkundoiden oficialine sait (raduzhnyi-city.ru). (ven.)

Radužnii (Vladimiran agj) Vikiaitas

	Vladimiran agjan lidnad
	Aleksandrov \| Gorohovec \| Gus' Hrustal'nii \| Jur'jev Pol'skii \| Kameškovo \| Karabanovo \| Kiržač \| Kol'čugino \| Kosterövo \| Kovrov \| Kurlovo \| Lakinsk \| Melenkad \| Murom \| Petuškad \| Pokrov \| Radužnii \| Sobink \| Strunino \| Sudogd \| Suzdal' \| Vladimir \| Väznikad

[1] Radužnijan pühäpertid sobory.ru-saital. (ven.)

[2] Vladimiran tehnologižen kolledžan sait (втк-пл7.рф). (ven.)

[1]

[2]