Gus' Hrustal'nii

Vikipedii
Jump to navigation Jump to search
Gus' Hrustal'nii
Гусь-Хрустальный
 Lidnanznam
Coat of Arms of Gus-Khrustalny (Vladimir oblast).png
 Flag
Flag of Gus-Khrustalny (Vladimirskaya oblast).svg
Valdkund Venäma
Eläjiden lugu (2017) 55 421 ristitud
Pind 43 km²
Gus' Hrustal'nii Гусь-Хрустальный
Pämez' Aleksei Sokolov (2 017—)
Telefonkod +7-49 241-xx-xxx
Avtokod 33
Aigvö UTC+3 (MSK+0)


Gus' Hrustal'nii (ven.: Гусь-Хрустальный «hrustaline hanh'», edel 1926 vot — Gus' i Gus'-Mal'cevskii) om Venäman lidn da lidnümbrik Vladimiran agjan suves. Se om Gus' Hrustal'nijan rajonan administrativižeks keskuseks, no ei mülü rajonha.

Istorii[redaktiruida | redaktiruida purde]

Mal'cov-torgovanoiden erižpert'.

Eländpunktan aluz om pandud vl 1756 kuti Gus'-žilo sauvomha stöklantegint Mal'covad-torgovanoiden pätandan mödhe, sirdihe kaikid stöklantegimid Moskvan gubernijaspäi ohjastusen käskön mödhe mecan mairhen tagut. Om nimitadud Gus'-jogen mödhe (Okan hura ližajogi). Vl 1931 radnikžilo sai lidnan statusad.

Geografijan andmused[redaktiruida | redaktiruida purde]

Lidn sijadase Meščoran alangištos, 125 m keskmäižel korktusel valdmeren pindan päl. Lidnan vezivaradim om olmas Gus'-jogel vspäi 1756, sen pind om 0,86 km². Matkad Vladimirhasai om 51 km pohjoižhe.

Lidnanvuitte Gusevskii-žilo (2768 rist. vl 2017) da pen' Panfilovo-žilo (108 rist. vl 2017) mülüdas lidnümbrikho Gus' Hrustal'nijan ližaks.

Eläjad[redaktiruida | redaktiruida purde]

Vn 2010 Venäman rahvahanlugemižen mödhe lidnan eläjiden lugu oli 60 784 ristitud, lidnümbrikon — 64 050 ristitud. Kaikiš suremb lidnan ristitišt oli vozil 1986—1996, 75..76 tuhad eläjid (vl 1989 — 76 360 rist.). Ortodoksižen hristanuskondan hengeline škol i ph. Varvaran pühäpert'-časoun' oma lidnas.

Ižanduz da transport[redaktiruida | redaktiruida purde]

Ižandusen päsarakod oma mašiništonsauvomine (veimiden armaturan «Gusar»-tegim), stöklantegimišt (hrustal', stökolkuid), sauvondmaterialiden pästand (stökol, savič), sömtegimišt (maidtegim, leibän edheotand). Professionaližen opendusen aluzkundad oma stöklan kolledž, tehnologine kolledž, Vladimiran universitetan i Vladimiran ekonomikan da oiktusen tehnikuman filialad.

Avtobusad, maršruttaksid da taksid oma kundaližtransportaks lidnas. Gus'-Hrustal'nii-raudtestancii om olmas vspäi 1899 Vladimir — Tum-žilo (Räzanin agj) raudtel, ezilidnjonused ajadas Vladimirhasai. Toižen MoskvMurom raudten Nečajevskai-stancii sijadase 14 km suvhe lidnaspäi, voib sadas taksil sihesai.

Irdkosketused[redaktiruida | redaktiruida purde]



Vladimiran agjan lidnad
Aleksandrov | Gorohovec | Gus' Hrustal'nii | Jur'jev Pol'skii | Kameškovo | Karabanovo | Kiržač | Kol'čugino | Kosterövo | Kovrov | Kurlovo | Lakinsk | Melenkad | Murom | Petuškad | Pokrov | Radužnii | Sobink | Strunino | Sudogd | Suzdal' | Vladimir | Väznikad