Sol'vičegodsk

Sol'vičegodsk
Сольвычегодск
	Lidnanznam;
Valdkund	Venäma
Eläjiden lugu (2023)	1,858 ristitud
Pind	8 km²
Pämez'	Andrei Sergejev; (2012—)
Telefonkod	+7−81 837-xx-xxx
Avtokod	29
Aigvö	UTC+3 (MSK+0)

Sol'vičegodsk (ven.: Сольвычего́дск) om Venäman lidn da kurort Arhangel'skan agjan suvipäivnouzmas, Kotlasan rajonas. Se oli municipaližen «Sol'vičegodskoje»-ühtnikan (lidnankundan) administrativižeks keskuseks vll 2004−2022.

Istorii

Eländpunktan eläjad mainitasoiš ezmäižen kerdan Sinodan aigkirjas kuti mehed Usol'jespäi vl 1492. Möhemba nimitihe Usol'sk i Vičegdan Sol (ven.: Соль-Вычегодская). Vl 1796 sai makundan lidnan statusad nügüdläiženke nimenke.

Sol'vičegodskan ižandusen päsarak om turizm (istorine lidn i vezikurort^[1]), mugažo turbhan briketiruindan tegim om saudud.

Geografijan andmused

Lidn sijadase Vičegd-jogen oiktal randal, 70 m ü.m.t. keskmäižel korktusel.

Matkad Kotlashasai om 17 km suvipäivlaskmha orhal vai 35 km avtotedme, Arhangel'skhasai — 480 km lodeheze orhal vai 635 km avtotedme. Lähembaine lidn om Koräžm 12 km päivnouzmha.

Sol'vičegodsk-raudtestancii sijadase lidnanvuiččes Vičegodskii-žilos 12 km suvhe orhal.

Tobmuz

Kaik 93 eländpunktad mülüiba enččehe lidnankundha Sol'vičegodskan ližaks: kahesa žilod i 85 küläd. Znamasine om Haritonovo-žilo (1419 rist. vl 2012). Lidnankundan pind oli 2190,73 nellikkilometrad. Se om kätud ümbrikon territorialižeks palakundaks vn 2022 sulakuspäi.

Eläjad

Vn 2010 Venäman rahvahanlugemižen mödhe lidnan eläjiden lugu oli 2 460 ristitud, rajonan ristitišton kümnendez, lidnankundan — 5 064 ristitud. Vl 2017 lidnan ristitišt oli 2 098 eläjad, lidnankundan 4 269 eläjad. Kaik 1 952 eläjad oli lidnas vn 2021 rahvahanlugemižen mödhe. Vspäi 1856 kaikiš suremb lidnan ristitišt oli läz nelläd tuhad eläjid vozil 1970−2001 (4 094 rist. vl 1979).

Ortodoksižen hristanuskondan seičeme pühäpertid^[2] oma kaičenus lidnas: Pühän Jumalanmaman Blagoveššenjan päjumalanpert', Pühän Jumalanmaman Tulendan Pühäpertihe päjumalanpert', kaks' jumalanpertid, koume časounäd, niiden keskes Stroganovad-torgovanoiden. Kaik ühesa jumalanpertid oma kadonuded.

Lapsiden opendusen aluzkundad oma keskškol, muzikškol, rahvahankäzitöiden škol-radhonuz. Kotlasan transportan tehnikum^[3] om lähembaine profopendusen aluzkund, radab Vičegodskii-žilos. Vll 1927−1956 pedagogine tehnikum oli Sol'vičegodskas.

Galerei

Čuhunduz solpurtken päl (2015)
Blagoveššenjan päjumalanpert', vn 2015 nägu
Lämoipalonvastaine avto (2012)
Sodamehiden olendan pert' (2021)
Jogivaldmad vl 2009

Homaičendad

Irdkosketused

Lidnan muzejan-kel'dtahon sait (solimus.ru). (ven.)

Sol'vičegodsk Vikiaitas

	Arhangel'skan agjan lidnad
	Arhangel'sk \| Kargopol' \| Koräžm \| Kotlas \| Mezen' \| Mirnii \| Nar'jan Mar \| Novodvinsk \| Nändom \| Oneg \| Severodvinsk \| Sol'vičegodsk \| Šenkursk \| Vel'sk

[1] «Sol'vičegodsk»-sanatorijan sait (kurortsol.ru). (ven.)

[2] Sol'vičegodskan pühäpertid sobory.ru-saital. (ven.)

[3] Kotlasan transportan tehnikuman sait (gbou-ktt.nubex.ru). (ven.)

[1]

[2]

[3]