Soligalič

Vikipedii
Jump to navigation Jump to search
Soligalič
Солигалич
Lidnanznam
Coat of Arms of Soligalich (Kostroma oblast) (1779).png
Valdkund Venäma
Eläjiden lugu (2017) 5 976 ristitud
Pind 15 km²
Soligalič Солигалич
Telefonkod +7-49 436-xx-xxx
Avtokod 44
Aigvö UTC+3 (MSK+0)


Soligalič (ven.: Солига́лич, Venäs oli Соль Галичьская Galičun Sol) om Venäman lidn da lidnankund Kostroman agjan lodehes. Se om Soligaličun rajonan administrativine keskuz.

Istorii[redaktiruida | redaktiruida purde]

Eländpunkt mainitase ezmäižen kerdan vl 1335 kuti Sol' Galičskai (Galickai) (ven.: Соль Галичьская (Галицкая)). Se mülüi Galičun ruhtinazkundha. Lidn šingotihe keitandsolan samižel (vhesai 1823), sid' pajad radoiba sijaližel raudal soišpäi. Puine lidnuz oli olmas Kostrom-jogen hural randal 16. voz'sadal. Mouckiven löudmižsijad abutihe leta kivižid sauvusid jo 17. voz'sadal.

Soligalič sai makundan lidnan oficiališt statusad vl 1778. Mecan varhapanend da ümbriradmine leviganzi 20. voz'sadaspäi. Sarak Monzan raudtespäi tuli lidnha 1960-nzil vozil.

Soligalič šingotase pupertinsauvondan tegimel[1], sömtegimištol (konservtegim), mouckiven kombinatal[2] pohjoižes Turovk-ezilidnas, bal'neologižeks kurortaks (vspäi 1841).

Geografijan andmused[redaktiruida | redaktiruida purde]

Lidn sijadase rajonan keskuzpalas, Kostrom-jogen (ven.: Кострома, Volgan hura ližajogi) üläjoksmusen oiktal randal tobjimalaz, 130 m ü.m.t. keskmäižel korktusel, ani päivlaskmha Galičun ülüdespäi. Matkad Vologdan agjan röunhasai om 15 km lodeheze orhal vai Monzan raudtedme, agjan Kostrom-keskushesai om 165 km suvhe-suvipäivlaskmha orhal vai 220 km avtotedme. Lähembaine lidn om Čuhlom 42 km suvipäivnouzmha orhal vai 48 km avtotedme.

Soligalič om lidnankundan üks'jäine eländpunkt. Lidnankundan pind — 54,2 km². Edeline lidnan administracijan pämez' oli Väčeslav Čižikov (2008−2018), vspäi 2019 Soligaličun rajonan administracii tegeb lidnankundan administracijan velgusidme.

Eläjad[redaktiruida | redaktiruida purde]

Vn 2010 Venäman rahvahanlugemižen mödhe lidnan eläjiden lugu oli 6 438 ristitud, rajonan kaks' koumandest. Kaikiš suremb lidnan ristitišt oli 7 500 eläjad vl 1992. Ortodoksižen hristanuskondan Eläbzdusen jumalankodi, Raštvoiden jumalankodi, Ristan Zdviženjan (Borisan da Gleban) päjumalanpert' i nell' jumalanpertid oma kaičenus lidnas.

Professionaližen opendusen aluzkund om Čuhloman mectegimišton tehnikuman Soligaličun filial.[3]

Homaičendad[redaktiruida | redaktiruida purde]

  1. Soligaličun pupertinsauvondan tegimen sait (soligalich.ru). (ven.)
  2. Soligaličun mouckivenkombinatan sait (solikom.ru). (ven.)
  3. Filialan oficialine sait (sollespromteh.ucoz.org). (ven.)

Irdkosketused[redaktiruida | redaktiruida purde]



Kostroman agjan lidnad
Bui | Čuhlom | Galič | Kologriv | Kostrom | Makarjev | Manturovo | Nei | Nereht | Soligalič | Šarj | Volgorečensk