Vilulind

Vilulind
Vilulind
Tedoklassifikacii
Valdkund: Živatad Tip: Sel'gjäntkeižed (Chordata) Klass: Lindud (Aves) Heimkund: Pasklindunvuiččed (Passeriformes) Sugukund: Fringillidae Heim: Vilulindud (Pyrrhula) Erik: Vilulind
Latinankel'ne nimi
Pyrrhula pyrrhula (Linnaeus, 1758)
Areal
pezoitelese vaiše     läbivozne areal     migracijan rajonad
Sistematik Vikierikoiš Kuvad Vikiaitas ITIS 179180 NCBI 37607

Vilulind vai Järgeline vilulind (latin.: Pyrrhula pyrrhula) om levitadud lind Fringillidae-sugukundaspäi.

Leviganduz

Vilulind eläb Evropadme i Azijan maiš. Kaikenaigaižen elämižen areal om znamasine, kezalind sijidme.

Putub kuššiš i segoitadud mecoiš, saduiš i puištoiš, erasti mecstepiš. Naprib peittas leten ristituišpäi.

Populärine kodilind Evropas, äikerdoičese stajas hüvin.

Ümbrikirjutand

Täuz'kaznu lind om paskačun suremb vähän. Pä om must päiči alaigäčuiš, maihutuzhöunhed oma mustad siniženke ližamujunke. Vösija i händanaluine oma vauktad. Ougad i kaglanaluine oma hahkad. Höunhišton alapalan ližamuju rippub alaerikospäi i linduspäi. Lindunpoigaižiden höunhišt om pakuižkoričman mujun päpaloin.

Ižačun rindaz om ruzarusttan mujun, sel'g om hahk, modpoliškod, pök i kül'ged oma rusttad. Emäčun rindaz om burhahkon mujun, sel'g om burhahk, modpoliškod, pök i kül'ged oma hahkkoričmad.

Lugetas kahesa alaerikod, niišpäi koume om Venäman territorijal.

Galerei

• 
  Vilulindun munad
• Vilulindun ižač žoubib podsolnušnikan semnid sadus, Sur' Britanii. Videon hätkeližuz om 27 sekundad

Homaičendad

Nece kirjutuz om vaiše ezitegez. Tö voit abutada meile, ku kohendat sidä da ližadat sihe.