Levan (latin .: Panthera leo ) Trüggve-ižač (Tryggve ), Si-Boi-levan poig (C-Boy ), ümbrikacub taivhanröunad rahvahaližes Serengeti-puištos (angl. : Serengeti National Park 14 763 km² pindanke), Tanzanijan pohjoine röunma, 9. heinku 2020. Lev oli puišton kunigahan ičeze Sniggve-vellenke (Snyggve ) viž vot heiden tatan pölištundan jäl'ghe sihesai, kuni toižed levad rikoiba Sniggved vn 2023 keväz'kus.Toižetada Allekirjutez
Image description / Oписание изображенияin English на русском .
Korktemban jumalanpertin apsid hristanuskondan Kunigazližes San-Huan-de-la-Penja -jumalankodiš (isp. : Real Monasterio de San Juan de la Peña ), Ueskan agj , avtonomižen Aragon -ühthižkundan pohjoine, Ispanijan pohjoižpäivnouzm, 5. viluku 2023. Keskaigan se oli Aragonan kaikiš znamasižembiš jumalankodišpäi. Sen kaks'žiruine jumalanpert' om vestatud ogibalas kall'os paloin, kudamb rippub alusen päl. Jumalankodin nimen znamoičend om «Kall'oikaz Pühä Ioann». Jumalanpertin alahas om kaičenus mozaraban pordon arhitekturan erasid-se elementoid, hot' sauvusen enambuz (sen paloin ülenzoitai kluatr suren kall'on al) om tehtud romanan stiliš. Uz' jumalankodi om saudud vn 1675 lämoipalon jäl'ghe. Letud läz 920. vot vanh jumalankodi om tedotadud nacionaližeks muštnikaks vn 1889 13. päiväl heinkud, kätihe ut jumalankodid muštnikaks vl 1923. Toižetada Allekirjutez
Image description / Oписание изображенияin English на русском .
Phoenicurus phoenicurus Kärbhaižensöjad -sugukundaspäi (Pasklindunvuiččed -heimkund), londuseline Adir-kel'dtaho (angl. : Għadira Nature Reserve ) Mal't-saren lodehes, Mal't , 28. keväz'ku 2024. Linduiden rengastamine om tarbhaine radmine, abutab kaita heid. Mal'tal tabatas linduid verkoihe tarkašti, kodvden niid kerdan kümnes minutas. Edel pästandad valdha rengastadas da veskoitas joga lindud. Putnuziden läz kümnendest oliba rengastadud ende. Program jätktase BirdLife Malta -likundan da organizacijan abunke. Rengastamine ozuti, miše lindud 48 valdkundaspäi vai sen enamba kävutadas Mal'tad migracijan aigan. Žalleičendoks, Mal'tal om kaikiš enamba linduiden mecnikoid ühtel nellikkilometral Evropan Ühtištuses. Meclinduiden znamasine lugu amptase legalitomašti Mal'tal, sišpäi Evropan Laudkund zavodi kriminališt azjad Mal'tan ohjastust vaste Direktivan linduiš kirjutusen nomer viž murendusen taguiči.Toižetada Allekirjutez
Image description / Oписание изображенияin English на русском .
Dalai Lama XIV (Ngagvang Lovzang Tenczin Gjamcho, sünd. 1935) om Tibetan buddizman ülembaižeks hengeližeks lideraks da pämeheks, tuli valdištmele vl 1940 i vl 1950 (kut Tibetan politine pämez'). Vl 1959 hän pageni Tibetaspäi Indijha vasthalibundan jäl'ghe Tibetan kitajižen okkupacijan tagut. Mez' pani Tibetan ohjastusen küksendas alust (oli sen pämehen vn 2011 sulakuhusai), kudamb jätktab rata Dharamsal-lidnas (Himačal Pradeš -štat, Indijan pohjoine), siš Lama-ki eläb. Vl 1989 hän kändihe Nobelän premijan mail'man kožundas laureataks. Tämbäi (6. heinkud) om Dalai Laman 90-vozne jubilei. Fotokuva om tehtud hänen tulendan aigan Milanan pohjoižpäivnouzmaižhe Kolonjo Monceze-ezilidnha, Italii , 8. tal'vku 2007.Toižetada Allekirjutez
Image description / Oписание изображенияin English на русском .
Jagellonižen universitetan Collegium Novum -päsauvusen neogotikan stiliš («uz' kolledž», om saudud toižin vll 1883−1887) lagen rombanvuitte (vai diamantanvuitte, hrustaline) bembelüläh Krakov -lidnas, Pol'šanma , 1. sügüz'ku 2014 Toižetada Allekirjutez
Image description / Oписание изображенияin English на русском .
Pandud Pühän Antonijan päjumalanpertin ocseinän päle (alam .: Sint-Antoniuskathedraal ) pühämehen kuvapatsaz, Bred -lidn, Pohjoine Brabant -agj, Alamaiden suvi, 17. sügüz'ku 2024. Rist om sen huras kädes, ciborium (mall' johtutamha kolijoid) — oiktas kädes. Säind purutab mall'an päl, se om sadud katoližen ülenpäižusen loštai kuvastuz. Kirjutez kuvapatshan al: "A.D. MDCCCXXXVII" (Anno Domini 1837 — päjumalanpertin vaumičendan voz'). Toižetada Allekirjutez
Image description / Oписание изображенияin English на русском .
Pühä Anna , 8. voz'sadan vai 9. voz'sadan ezmäižen polen makurine fresk, om sätud temperal kuivadme štukaturadme (al' sekko-stiliš). Kuva om löutud amuižen Faras -lidnan ortodoksižen hristanuskondan päjumalanpertin ruinoiš, vanh Nubii nügüdläižen Sudanan pohjoižen territorijal. Vll 1961−1964 pol'šan arheologad tegiba kaivandusid Farasas i löuziba freskoid edel lidnan uptandad Asuanan padoseinän vaumičendan tagut. Nügüd' amuine lidn om upotadud Naser-järven vedel. Fresk om Pol'šanman Nacionaližen muzejan Varšavas Faras-galerein palaks. Tundmatoi pirdai, kirjutesed grekan kelel, suruded: korktuz 65..69 sm, leveduz: 63..68,5 sm.Toižetada Allekirjutez
Image description / Oписание изображенияin English на русском .
Batomorphi Pteroplatytrygon violacea Kartahenad , avtonomine Mursii -ühthižkund, Ispanijan suvipäivnouzm, 16. heinku 2022. Nece erik om levitadud kaiked mail'madme veziš korktemb mi 19 C° lämudenke, i tegeb migracijoid sezonidme vedamha kezaaigad lähemba kontinentan šel'fannoks i korktembiš levedusiš. Üläheimkundan üks'jäine eläi avoinudes valdmeres läz kaikenaigašti erik, putub pindaližiš veziš sadahadai metrad süvüzil. Sen täuz'kaznuded eričud sadas 130 sm pitte i 59 sm levette tobjimalaz. Meriživat om aktivižeks lihansöjaks, tabadab sališt rindsuugil edel oigendad suhu. Sötlese erazvuiččil organizmoil: rakanvuiččed, mollüskad, lukahad kalad, meriheboižed i filekalad, sugukahad sel'grodatomad, meduzad, mugažo äisugasekahad madod.Toižetada Allekirjutez
Image description / Oписание изображенияin English на русском .
Jäl'gmäine RKS:an ümbärduz «Atlantis»-kosmoslaival STS-135-lendusen aigan vn 2011 heinkun 19. päiväl, sen jäl'ghe amerikaižen NASA:n Space Shuttle Doug Hurley , pilot), Sendi Magnus i Reks Uolheim (Rex Walheim , muugotid — missijan specialistad). Toižetada Allekirjutez
Image description / Oписание изображенияin English на русском .
Vn 1963 Airstream Safari -markan treiler rahvahaližes Džošua-Tri-puištos (angl. : Joshua Tree National Park 3218 km² pindal) ehthämäran aigan, päivnouzmha Los Andželesan päivnouzmaižes San Bernardino -ezilidnaspäi Kalifornii -štatan suvipäivnouzmas, AÜV , 19. uhoku 2022. Airstream Trailer Company -edheotandan Uolli Baiam-alusenpanii (Wally Byam ) koli necil päiväl (22. heinkud) vl 1962, hänen kompanii radab vspäi 1929 tähäsai, jäi üks'jäižeks valdkundas «pertiden kezroil» tegijaks. Toižetada Allekirjutez
Image description / Oписание изображенияin English на русском .
Tal'veline Angelus-pert' Angelus-järvenke sen taga Nel'son-järviden rahvahaližes puištos (angl. : Nelson Lakes National Park 1019 km² pindal), Suvine-saren Suvial'piden pohjoine agj, Uz' Zelandii , 26. heinku 2019. Nimetoi mägenpä 1860 m ü.m.t. kortte näguse pil'viš. Kuva om tehtud päiväižen laskman aigan. Toižetada Allekirjutez
Image description / Oписание изображенияin English на русском .
«Pühän Ignatijan Lojolalaižen triumf» (ital .: Gloria di Sant'Ignazio ), sädi italine Andrea Pocco -voimujupirdai da arhitektor vl 1685. Pühä Ignatii eli vll 1491−1556. Se vahvištab pühämehen i Iisusan sebran radod kaikes mirus, kuvadab pühämest, kudambad Iisus kucui rajuhu, nellän kontinentan ümbärduses. Fresk čomitab ph. Ignatii Lojolalaižen jumalanpertin (Chiesa di Sant'Ignazio di Loyola , katoline jumalankodikund ) lapakod lagid Riman Marsan pöudol, Italii , 19. heinku 2015. Tämbäi (31. heinku) om Pühän Ignatijan muštpäiv. Toižetada Allekirjutez
Image description / Oписание изображенияin English на русском .
.jpg)
,_Port_Campbell_National_Park,_Twelve_Apostles_--_2019_--_0930.jpg)
_male_ringed_Malta.jpg)
.jpg)
._10-08-2023._(actm.)_02.jpg)
,_Cabo_de_Palos,_España,_2022-07-16,_DD_72.jpg)
_Kruger.jpg)
_Goaiïngarypster_Puollen_(d.j.b.)_20.jpg)
.jpg)
