Brazilia

Vikipedii
Hüpähtada: navigacii, Ecind
Brazilia
Brasília
 Lidnanznam
Brasão do Distrito Federal (Brasil).svg
 Flag
Bandeira do Distrito Federal (Brasil).svg
Valdkund Brazilii
Eläjiden lugu (2016) 2 977 216 ristitud
Pind 5 802 km²
BraziliaBrasília
Telefonkod +55-61
Aigvö tal'vel UTC-3 
kezal UTC-2


Brazilia (port.: Brasília) om Brazilijan administrativine pälidn. Se om pälidnan federaližen ümbrikon keskuz, nellänz' surtte lidn valdkundas eläjiden lugun mödhe.

Vl 2019 lidn vasttab Kezaližen Universiadan vändoid.

Istorii[redaktiruida | redaktiruida purde]

Vn 1891 Brazilijan uz' Konstitucii mainitihe uden pälidnan sijan — savannan 14 tuh. km² tuhas kilometras mererandaspäi. Sijad valitihe edahan olijoiš keskusišpäi šingotamha territorijad, mugažo sodameletusišpäi. Olnu vspäi 1955 prezidentaks Žuselinu Kubiček sädi käsköid sauvomha ut pälidnad da avaita sidä hänen tobmuden vižvoččen strokun aigan. Vl 1956 Lusio Kostan «lipkaine»-koncepcijad vahvištihe, sid' vl 1957 5550 ristitud projektiruihe lidnad. 60 tuhad radnikoid (kandangus) sauvoiba lidnad 41 kud vozil 1956-1960. Vn 1960 21. sulaku lugese alusenpanendan dataks da lidnan avaiduseks, sid' sirdihe valdkundan pälidnad Braziliaha Riospäi.

Geografijan andmused[redaktiruida | redaktiruida purde]

Lidn sijadase Brazilijan keskusen suvipäivnouzmas Brazilijan mägitazangištol, 1000-1200 m korktusil, 1141 m keskmäižel korktusel valdmeren pindan päl. Pälidn seižub Paranoa-vezivaradimen randoil 80 km pitte (pind 40 km²), ümbärdab sidä.

Klimat om subekvatorialine. Voden keskmäine lämuz om +20,6 C°, čurazund kuidme neciš znamoicendaspäi om 3 Cel'sijan gradushasai. Heinkun lämuz om +18,3 C°, sügüz'kun-sulakun +20,9...+21,7 C°. Paneb sadegid 1540 mm vodes. Om kaks' sezonad: kuiv (semendku-sügüz'ku, 10-55 mm kuidme) da neps (reduku-keväz'ku, 170-245 mm kus).

Vn 1988 valdkundan Konstitucijan mödhe, ei ole municipalitetoid federaližes ümbrikos de jure, no Brazilijad lugetas lidnaks todeks.

Eläjad[redaktiruida | redaktiruida purde]

Vn 2010 rahvahanlugemižen mödhe eläjiden lugu oli 2 469 489 ristitud, hot' lidnan projektiruidud ristitišt oli vaiše 400 tuh. eläjid. Läz 3,5 mln elädas lidnaglomeracijas, sihe mülütadas jo lähižiden štatoiden-ki paloid. Vl 2011 kaikiš suremb KSP ühthe henghe Brazilijas oli neciš lidnas (US$25,062). Kaik KSP oli R$133,4 mlrd (US$64,1 mlrd), nece oli läz Vaugedvenäman surtte.

Transport[redaktiruida | redaktiruida purde]

Avtobusad da taksid oma kundaližeks transportaks. Vspäi 2001 metropoliten radab lidnas (vspäi 2010 om 2 jonod, 24 stancijad, 42,4 km raudted). Mugažo vspäi 2010 saudas kebnmetron jonoid (vspäi 2014 om 2 jonod).

Žuselinu Kubiček-prezidentan nimel nimitadud Brazilian rahvahidenkeskeine civiline lendimport (BSB) sijadase 11 km suvhe lidnan keskusespäi. Sišpäi tehtas reisid Brazilijadme tobjimalaz, mugažo Suviamerikan maihe, AÜV:oihe i Lissabonha.

Irdkosketused[redaktiruida | redaktiruida purde]


Suviamerikan pälidnad
Asunsjon | Bogota | Brazilia | Buenos Aires | Džordžtaun | Karakas | Kito | Lim | Montevideo | Paramaribo | Santjago | Sukre