Šilk (lidn)

Vikipedii-späi
Šilk
Шилка
 Lidnanznam
 Flag
Valdkund Venäma
Eläjiden lugu (2021) 12,339 ristitud
Pind 105 km²
Šilk Шилка
Pämez' Sergei Sivolap
(keväz'ku 2012—)
Telefonkod +7−30 244-xx-xxx
Avtokod 75, 80
Aigvö UTC+9 (MSK+6)


Sil sanal voib olda toižid znamoičendoid; miše nähta niid, tulgat tänna.

Šilk (ven.: Шилка [ˈʂɨlkə]) om Venäman lidn da lidnankund Baikalantagaižen randan keskuzpalas. Se om Šilkan rajonan administrativine keskuz.

Istorii[vajehta | vajehtada tekst]

Eländpunktan aluz om pandud 18. voz'sadan ezmäižel polel kozakoiden vahtkundaks otmaha kävutamižhe jogen alangišton väghižid maid, nimitihe jogen mödhe. Ezmäižen kerdan lidn mainitase kirjutadud purtkiš vl 1765. Vspäi 1914 Transsiban stancii radab Šilkas. Se sai lidnan statusad vl 1951.

Šilk šingotase raudten edheotandoil.

Geografijan andmused[vajehta | vajehtada tekst]

Lidn sijadase Šilk-jogen hural randpolel (Amuran bassein), 2 kilometras jogespäi, 490 m ü.m.t. keskmäižel korktusel. Matkad Čithasai om 174 km päivlaskmha orhal, 216 km avtotedme vai 248 km raudtel. Lähembaižed lidnad oma Nerčinsk 40 km päivnouzmha avtotedme vai 45 km raudtedme i Balei 52 km suvipäivnouzmha orhal vai 104 km avtotedme.

Mitrofanovo-žilo (ven.: село Митрофаново, 529 rist. vl 2017) mülüb lidnankundha Šilkan ližaks. Lidnankundan pind om 353,57 km².

Eläjad[vajehta | vajehtada tekst]

Vn 2010 Venäman rahvahanlugemižen mödhe lidnan eläjiden lugu oli 13 947 ristitud, lidnankundan — 14 539 ristitud, rajonan koumandez. Kaikiš suremb lidnan ristitišt oli 16..18 tuh. eläjid vll 1959−1996 (18 200 rist. vl 1992). Vl 2017 kaik 12 784 ristitud elihe lidnas i 13 313 ristitud kaikes lidnankundas.

Ortodoksižen hristanuskondan kaks' pühäpertid[1] oma olmas lidnas: phh. Pedroi- da Pauloi-apostoloiden jumalanpert' (om saudud vl 1906) i Jumalanmaman «Kazvatuz»-jumalaižen jumalanpert' (saudihe vll 2008−2014).

Šilkan äiprofil'ne licei[2] om professionaližen opendusen aluzkundaks.

Galerei[vajehta | vajehtada tekst]

Homaičendad[vajehta | vajehtada tekst]

  1. Šilkan pühäpertid sobory.ru-saital. (ven.)
  2. Šilkan äiprofil'žen licein sait (pu-shilka.profiedu.ru). (ven.)

Irdkosketused[vajehta | vajehtada tekst]



Baikalantagaižen randan lidnad
Balei | Borz' | Čit | Hilok | Krasnokamensk | Mogoč | Nerčinsk | Petrovsk-Zabaikal'skii | Sretensk | Šilk