Petrovsk-Zabaikal'skii

Vikipedii-späi
Petrovsk-Zabaikal'skii
Петровск-Забайкальский
Lidnanznam
Valdkund Venäma
Eläjiden lugu (2021) 15,626 ristitud
Pind 300 km²
Petrovsk-Zabaikal'skii Петровск-Забайкальский
Pämez' Igor' Zaripov
(reduku 2018—,
Игорь Зарыпов)
Telefonkod +7−30 236-xx-xxx
Avtokod 75, 80
Aigvö UTC+9 (MSK+6)


Petrovsk-Zabaikal'skii (ven.: Петро́вск-Забайка́льский) om Venäman lidn da lidnümbrik Baikalantagaižen randan suvipäivlaskmas. Se om Petrovsk-Zabaikal'skijan rajonan administrativižeks keskuseks, ei mülü rajonha.

Istorii[vajehta | vajehtada lähte]

Eländpunktan aluz om pandud vl 1789 kuti Petran Tegim (ven.: Петровский Завод). Vl 1926 se sai lidnan statusad da oli udesnimitadud nügüdläižikš. Lidnan raudtestancii om olmas vspäi 1900, se om Transsiban pala i «Petran Tegim»-nimenke tähäsai.

Petrovsk-Zabaikal'skijan ižandusen päsarakod oma mecan ümbriradmine i sömtegimišt. Raudmetallurgijan i stöklan tegimed ei ole rados.

Geografijan andmused[vajehta | vajehtada lähte]

Lidn seižub mägidenkeskeižes katl'uses, Baläg- da Mikirt-jogiden kaidoiš alangištoiš (Hilokan i Selengan oigedpol'ne bassein), 800 m ü.m.t. keskmäižel korktusel. Matkad Čithasai om 414 km päivnouzmha raudtedme vai 480 km «Baikal»-avtotedme (R258), Burätijan Tazovaldkundhasai — 15..20 km lodeheze. Lähembaine lidn om Ulan Ude 105 km lodeheze orhal vai 200 km avtotedme.

Klimat om vilu subarktižen röunal. Voden keskmäine lämuz om −2,8 C°, kezakun-elokun +13..+16 C°, tal'vkun-uhokun −21..−25 C°.

Petrovsk-Zabaikal'skii om lidnümbrikon üks'jäine eländpunkt.

Eläjad[vajehta | vajehtada lähte]

Vn 2010 Venäman rahvahanlugemižen mödhe lidnan eläjiden lugu oli 18 549 ristitud. Kaikiš suremb ristitišt oli 28..30 tuhad eläjid vozil 1959−1992 (30 945 rist. vl 1979).

Ortodoksižen hristanuskondan Pühän Jumalanmaman Katken jumalanpert'[1] om saudud vll 2004−2008.

Professionaližen opendusen aluzkundad: Čitan politehnižen kolledžan filial[2] (edel 2016. vot professionaliž-pedagogine tehnikum) i Čitan medicinižen kolledžan filial[3] (ende medicinine škol-tehnikum).

Edeline lidnan pämez' om Aleksandr Taranov (2009 — reduku 2018).

Transport[vajehta | vajehtada lähte]

Maršruttaksid da taksid oma kundaližtransportaks lidnas. Ezilidnelektrojonused ühtenzoittas lidnad Ulan Udenke i Hilok-lidnanke.

Dekabristad-raudtestancii (ven.: Декабристы) om toine lidnas, sijadase kudes kilometras päraudtestancijaspäi Čitan polehe.

Galerei[vajehta | vajehtada lähte]

Homaičendad[vajehta | vajehtada lähte]

  1. Petrovsk-Zabaikal'skijan pühäpertid sobory.ru-saital. (ven.)
  2. Petrovsk-Zabaikal'skii-lidnan filialan lehtpoled Čitan politehnižen kolledžan chptk.ru-saital. (ven.)
  3. Petrovsk-Zabaikal'skijan filialan lehtpoled Čitan medkolledžan chmk-chita.ru-saital. (ven.)

Irdkosketused[vajehta | vajehtada lähte]



Baikalantagaižen randan lidnad
Balei | Borz' | Čit | Hilok | Krasnokamensk | Mogoč | Nerčinsk | Petrovsk-Zabaikal'skii | Sretensk | Šilk