Borz'

Vikipedii
Mine navigeerimisribale Mine otsikasti
Borz'
Борзя
 Lidnanznam
Coat of Arms of Borzya (Chita oblast).png
 Flag
Flag of Borzya (Chita oblast).png
Valdkund Venäma
Eläjiden lugu (2021) 29,387 ristitud
Pind 184 km²
Borz' Борзя
Pämez' Vladimir Nehamkin
(tal'vku 2021—)
Telefonkod +7−30 233-xx-xxx
Avtokod 75, 80
Aigvö UTC+9 (MSK+6)


Borz' (ven.: Борзя) om Venäman lidn, lidnankund da raudtesol'm Baikalantagaižen randan suves. Se om Borzin rajonan administrativine keskuz.

Istorii[redaktiruida | redaktiruida purde]

Eländpunktan aluz om pandud severzihe-se žiloihe. 18. voz'sadal panihe Borz'-žilon alust keitandsolan pramozlanno, nimitihe jogen mödhe. Vl 1899 saudihe Borz'-raudtestancijad raudtel Kitaihesai i vl 1900 avaitihe Suvorovskii-žilod holitamha stancijad. Aigan mändes ühtištuihe žiloid. Vl 1924 Borz'-žilo kändihe makundan keskuseks, vl 1950 sai lidnan statusad.

Vedimdepo i vagondepo ratas lidnas. Borz' om maižanduzrajonan keskuseks kazvatamha villäd.

Geografijan andmused[redaktiruida | redaktiruida purde]

Lidn sijadase solakahiden järvidenno, Borz'-jogen hural randal (ven.: Борзя, Amuran bassein), 690 m ü.m.t. keskmäižel korktusel. Matkad Mongolijan röunhasai om 50 km suvhe orhal, Čithasai — 370 km lodeheze avtotedme vai raudtedme. Lähembaižed lidnad oma Krasnokamensk 112 km päivnouzmha orhal vai 155 km avtol i Man'čžurii (Kitai, kit.: 满洲里 Mǎnžōulǐ) 110 km suvipäivnouzmha orhal vai 123 km avtotedme. Raudten toine sarak Čoibalsanhasai ühtenzoitab Mongolijanke.

Zun-Torei-raudtestancii (109 rist. vl 2017) mülüb lidnankundha Borzin ližaks.

Eläjad[redaktiruida | redaktiruida purde]

Vn 2010 Venäman rahvahanlugemižen mödhe lidnan eläjiden lugu oli 31 379 ristitud, lidnankundan — 31 496 ristitud, rajonan koume videndest. Kaikiš suremb lidnan ristitišt oli 36 700 eläjad vl 1992.

Ortodoksižen hristanuskondan ph. Sergii Radonežalaižen jumalanpert'[1] om olmas lidnas vspäi 2014 (saudihe enamba kümned vot).

Professionaližen opendusen aluzkundad oma medicinine škol (tehnikum)[2] i Krasnokamenskan tegimištoliž-tehnologižen tehnikuman filial.

Edeližed lidnan pämehed:

  • Nikolai Jakovlev (sügüz'ku 2016 — heinku 2019);
  • Sergei Rusinov (kül'mku 2019 — kezaku 2021, sid' Borzin rajonan pämez').

Galerei[redaktiruida | redaktiruida purde]

Homaičendad[redaktiruida | redaktiruida purde]

  1. Borzin pühäpertid sobory.ru-saital. (ven.)
  2. Borzin medicinižen školan (tehnikuman) sait (gouspobmu.ucoz.ru). (ven.)

Irdkosketused[redaktiruida | redaktiruida purde]



Baikalantagaižen randan lidnad
Balei | Borz' | Čit | Hilok | Krasnokamensk | Mogoč | Nerčinsk | Petrovsk-Zabaikal'skii | Sretensk | Šilk