Hilok (lidn)

Vikipedii
Mine navigeerimisribale Mine otsikasti
Hilok
Хилок
Valdkund Venäma
Eläjiden lugu (2021) 10,320 ristitud
Pind 13 km²
Hilok Хилок
Pämez' Vladimir Kudrik
(tal'vku 2011—)
Telefonkod +7−30 237-xx-xxx
Avtokod 75, 80
Aigvö UTC+9 (MSK+6)


Disambig gray.svg Sil sanal voib olda toižid znamoičendoid; miše nähta niid, tulgat tänna.

Hilok (ven.: Хилок) om Venäman lidn da lidnankund Baikalantagaižen randan suvipäivlaskmas. Se om Hilokan rajonan administrativine keskuz.

Istorii[redaktiruida | redaktiruida purde]

Eländpunktan aluz om pandud vl 1895 kuti Transsiban Hilok-raudtestancii, nimitihe jogen mödhe. Kätihe radnikžiloks vl 1929. Žilo sai lidnan statusad vn 1951 12. päiväl heinkud.

Hilok-lidn šingotase raudten edheotandoil, vedimdepo i vagonkohenduzdepo ratas.

Geografijan andmused[redaktiruida | redaktiruida purde]

Lidn sijadase Hilok-jogen muugotil randoil (burät.: Хёлго мγрэн, Selengan oiged ližajogi), Jablonovii-mägisel'gan alangištos, 800 m ü.m.t. keskmäižel korktusel. Matkad Burätijan Tazovaldkundhasai om 20 km pohjoižhe, Čithasai om 220 km pohjoižpäivnouzmha orhal, 261 km raudtedme vai 320 km avtotedme. Lähembaine lidn om Petrovsk-Zabaikal'skii 112 km päivlaskmha orhal vai 152 km avtotedme. «Baikal»-avtote (R-258) om lidnan suviröunaks. Avtote mäneb jogen hural randal, raudte — oiktal randal, nell' avtotesildad ühtenzoitas jogen randoid.

Kaks' pen't žilod (Žilkin Futor i Sosnovk) mülüdas lidnankundha Hilokan ližaks.

Eläjad[redaktiruida | redaktiruida purde]

Vn 2010 Venäman rahvahanlugemižen mödhe lidnan eläjiden lugu oli 11 539 ristitud, lidnankundan — 11 616 ristitud, rajonan kaks' videndest. Kaikiš suremb lidnan ristitišt oli 15 855 eläjad vl 1959. Vl 2017 kaik 10 724 ristitud elihe lidnas i 10 786 ristitud kaikes lidnankundas.

Ortodoksižen hristanuskondan ph. Vladimir-ruhtinasen jumalanpert'[1] om letud vspäi 2002 i om pühästadud vl 2005. Ph. Jurgii-vägestusenkandajan časoun' om saudud 1990-nzil vozil.

Professionaline opendusen aluzkund om raudteškol.

Galerei[redaktiruida | redaktiruida purde]

Homaičendad[redaktiruida | redaktiruida purde]

  1. Hilokan pühäpertid sobory.ru-saital. (ven.)

Irdkosketused[redaktiruida | redaktiruida purde]



Baikalantagaižen randan lidnad
Balei | Borz' | Čit | Hilok | Krasnokamensk | Mogoč | Nerčinsk | Petrovsk-Zabaikal'skii | Sretensk | Šilk