Balei

Vikipedii-späi
Balei
Балей
Lidnanznam
Valdkund Venäma
Eläjiden lugu (2021) 10,630 ristitud
Pind 49 km²
Pämez' Leonid Zaveruha
(reduku 2016—)
Telefonkod +7−30 232-xx-xxx
Avtokod 75, 80
Aigvö UTC+9 (MSK+6)


Balei (ven.: Бале́й) om Venäman lidn da lidnankund Baikalantagaižen randan keskuzpalas. Se om Balein rajonan administrativine keskuz.

Istorii[vajehta | vajehtada tekst]

Ezmäižed mülünuded lidnha eländpunktad oliba tetabad 18. voz'sadaspäi kuti Kamenk (ven.: Каменка) i Novotroiskii pramozl-žilo (ven.: село Новотроицкий промысел) samha kuldad. Vl 1938 ühtenzoittihe žilod lähižidenke koumenke külänke i stanicanke da anttihe lidnan statusad agjan alištusenke.

Vll 1947−1953 kävutihe türmatud mehiden töid ümbriradamha ut sur'kulud löudmižsijad. Vl 1997 lopihe kuldan samišt, vl 2004 projektiruiškanzihe ut samišt. Vl 2008 ühtištuihe lidnümbrikod rajonanke. Vl 2022 kuldan samine om lidnan elon aluz.

Geografijan andmused[vajehta | vajehtada tekst]

Lidn sijadase Und-jogen oiktal randal (ven.: Унда, Amuran bassein), Borščovočnii-mägisel'gan suvipautkidenno, 620 m ü.m.t. keskmäižel korktusel. Matkad Čithasai om 222 km päivlaskmha orhal vai 337 km avtotedme. Lähembaižed lidnad oma Šilk 52 km lodeheze orhal vai 104 km avtotedme i Nerčinsk 44 km pohjoižhe orhal vai 71 km avtol.

Balei om lidnankundan üks'jäine eländpunkt.

Eläjad[vajehta | vajehtada tekst]

Vn 2010 Venäman rahvahanlugemižen mödhe eläjiden lugu oli 12 533 ristitud, rajonan koume videndest. Kaikiš suremb ristitišt oli 31 200 eläjad vl 1939, vhesai 1987 se vajehtihe 25..28 tuhad ristituid röunoiš.

Ortodoksižen hristanuskondan Luka Evangelijantedajan jumalanpert'[1] om letud vodele 2013.

Čitan pedagogižen i medicinižen[2] kolledžiden filialad oma lidnan professionaližen opendusen aluzkundoikš.

Homaičendad[vajehta | vajehtada tekst]

  1. Balein pühäpertid sobory.ru-saital. (ven.)
  2. Balein filial Čitan medkolledžan chmk-chita.ru-saital. (ven.)

Irdkosketused[vajehta | vajehtada tekst]



Baikalantagaižen randan lidnad
Balei | Borz' | Čit | Hilok | Krasnokamensk | Mogoč | Nerčinsk | Petrovsk-Zabaikal'skii | Sretensk | Šilk