Bač-Kiškun

Bač-Kiškun-agj valdkundan kartal

Bač-Kiškun (mad'j.: Bács-Kiskun megye [ˈbaːt͡ʃ ˈkiʃkun ˈmɛɟɛ]) om üks' Mad'jaranman agjoišpäi. Administrativine keskuz da kaikiš suremb lidn om Kečkemet.

Agj om sätud kahten agjan ühtištusel Toižen mail'man sodan jäl'ghe.

Geografijan andmused

Agj levigandeb valdkundan keskuzpalas i suves. Se om kaikiš suremb Mad'jaranman agj pindan mödhe. Reljef om tazo, korktusiden erinend om 80 metrad vaiše. Röunatab Serbijanke suves i kudenke agjanke: koumen sijaduz om Dunain vastrand päivlaskmas i koumen agjan röun om Dunain hura Tis-ližajogi Bač-Kiškunan päivnouzmas.

Pind om 8 444,81 km². Ristitišt — 513 687 eläjad (2015). Kaikiš suremb eläjiden lugu oli 591 482 ristitud vl 1949 i 571 448 ristitud vl 1980.

Administrativine jagand

Agjan rajonad vspäi 2013

Bač-Kiškun-agj jagase üks'toštkümneks jarašaks (rajonaks). Edel vn 2013 administrativišt reformad kümne kišteršegad (rajonad) oli niiden sijas.

Lidnad

Neciš agjas om 21 lidnad:

• Bačal'maš (Bácsalmás)
• Bai (Baja)
• Dunaveče (Dunavecse)
• Hajoš (Hajós)
• Ižak (Izsák)
• Janošhal'm (Jánoshalma)
• Kaloč (Kalocsa)
• Kecel' (Kecel)
• Kečkemet (Kecskemét)
• Kereked'haz (Kerekegyháza)
• Kišköröš (Kiskőrös)
• Kiškunfeled'haz (Kiskunfélegyháza)
• Kiškunhalaš (Kiskunhalas)
• Kiškunmaiš (Kiskunmajsa)
• Kunsentmikloš (Kunszentmiklós)
• Lajošmiže (Lajosmizse)
• Šol't (Solt)
• Šol'tvadkert (Soltvadkert)
• Sabadsallaš (Szabadszállás)
• Tisakečke (Tiszakécske)
• Tomp (Tompa)

Bač-Kiškunas om 119 žilod lidnoihe ližaks.

Irdkosketused

• Agjan oficialine sait (bacskiskun.hu). (mad'j.) (angl.)