Eger (lidn)

Eger

Lidnanznam	Flag
Valdkund	Mad'jaranma
Eläjiden lugu (2025)	48,686 ristitud
Pind	92,24 km²
Pämez'	Akoš Vagner (reduku 2024—, Vágner Ákos)
Telefonkod	+36−36
Aigvö	tal'vel UTC+1, kezal UTC+2

Lidnan transportkart (2021)

Eger (mugažo mad'jaraks, virktas [ˈɛɡɛr], saks.: Erlau, slovak.: Jáger, latin.: Agria, turk.: Eğri, pol'š.: Jagier, čeh.: Jager, serb.: Јегра / Jegra) om lidn Mad'jaranman pohjoižpäivnouzmas. Se om Heveš-agjan administrativižeks keskuseks da palaks.

Istorii

Eländpunkt Egeran sijas oli pandud amuižen aigan, kändihe mad'jaralaižiden lidnaks 10. voz'sadal.

Eger šingotase turizmal (lidnuz i kaičenus hüvin istorine keskuz barokon stiliš, läz 300 tuhad ödumižid adivpertiš vodes), rusttan vinan tehmižel sijaližes torhudespäi, om bal'neologižeks kurortaks.

Geografijan andmused

Lidnan sijaduz agjas i valdkundas (2017)

Lidn sijadase agjan pohjoižpäivnouzmas, 165 m ü.m.t. keskmäižel korktusel. Matkad Budapešt-pälidnaspäi om 130 km päivnouzmha-pohjoižpäivnouzmha.

Klimat om ven kontinentaline valdmeren valatoitusenke, subtropižen klimatan röunal. Keza om hätkeline räk päivoikaz, tal'vaig om pil'vekaz. Voden keskmäine lämuz om +10,8 C°, kezakun-elokun +19,7..+21,6 C°, tal'vkun-uhokun −0,8..+1,2 C°. Ekstremumad oma −18,3 C° (viluku) i +38,6 C° (heinku). Kezaaigan minimum om +4,7 C° (kezaku), tal'vaigan maksimum om +18,2 C° (uhoku). Ei voi panda halad kezakus-sügüz'kus (sügüz'kun minimum om +2,2 C°). Paneb sadegid 583 mm vodes, enamba semendkus-elokus (63..83 mm kus), vähemba vilukus-keväz'kus (26..30 mm kus). Kun keskmäine relätivine nepsuz vajehtase 58..64 % röunoiš keväz'kus-uhokus, 80..83 % kül'mkus-vilukus.

Eläjad

Vn 2001 Mad'jaranman rahvahanlugemižen mödhe lidnan eläjiden lugu oli 57 986 ristitud, vn 2011 — 56 569 ristitud, vn 2022 — 49 182 ristitud. Kaikiš suremb lidnan ristitišt oli 61 573 eläjad vl 1990.

Eläjiden tobj pala om katolikad.

Edeližed lidnan pämehed oma Adam Mirkocki (Mirkóczki Ádám, reduku 2019 — sügüz'ku 2024), Laslo Habiš (Habis László, 2006 — reduku 2019).

Galerei

• 
  Lidnan tobmuden sauvuz (2015)
• 
  Egeran bazilikjumalanpert' (riman katoline, 1831−1837), vn 2012 nägu
• 
  Aventics-torguindmarkan tegim vl 2018 (pnevmatine mašiništ)
• 
  Gimnazii i kolledž Janoš Neiman-tedomehen nimed (2019)
• 
  Teatr Geza Gardoni-kirjutajan nimed (vn 2010 olend)
• 
  Eger-päraudtestancii vl 2022

Sebruzlidnad

• Slovakii Dol'ni Kubin, Slovakii (vspäi 2006)
• Venäma Čeboksarad, Venäma (2004)
• Saksanma Esslingen Nekkaral, Saksanma (1991)
• Romanii Georgeni, Romanii (1993)
• Jerihon, Palestin (2013)
• Čehii Kutna Hor, Čehanma (2001)
• Francii Makon, Francii (1985)
• Ukrain Mukačevo, Ukrain (2010)
• Suomenma Pori, Suomenma (1973)
• Pol'šanma Pšemisl', Pol'šanma (2003)
• Italii Sarcan, Italii (1990)

Partnörlidn

• Mad'jaranma Sekešfehervar, Mad'jaranma (vspäi 2016)

Irdkosketused

• Lidnan oficialine sait (eger.hu). (mad'j.)