Buinaksk

Buinaksk
Буйнакск (ven.)
Шура (avar.)
Темир-хан-шура / Шура (kum.)

Lidnanznam
Valdkund	Venäma
Eläjiden lugu (2018)	65 080 ristitud
Pind	20,95 km²
Pämez'	Islamudin Nurgudaev (eloku 2 017—)
Telefonkod	+7-87 237-xx-xxx
Avtokod	05
Aigvö	UTC+3 (MSK+0)

Buinaksk (ven.: Буйнакск, avar.: Шура, kum.: Темир-хан-шура vai Шура) om Venäman lidn da lidnümbrik Dagestanan Tazovaldkundan keskuzpalan suves. Se om Buinakskan rajonan administrativižeks keskuseks mugažo, ei mülü rajonha.

Istorii

Eländpunktan aluz om pandud vl 1834, i vhesai 1922 sen oficialine nimituz oli Temir-Han-Šur. Nimitihe järven i jogen mödhe, kuivatihe Temir-Han-Šur-järved vl 1854. Žilo sai lidnan statusad vl 1866.

Luja manrehkaiduz tegihe lidnas vn 1970 14. päiväl semendkud. Buinaksk šingotase agregattegimel i konservtegimel.

Geografijan andmused

Lidn sijadase Šura-ozen'-mägijogen randal (ven.: Шура-озень, lankteb Kaspijha), 490 m keskmäižel korktusel valdmeren pindan päl. Kurortine tahond levineb lidnas ümbri. Matkad lähembaižhe Mahačkal-lidnhasai om 40 km pohjoižpäivnouzmha orhal, raudtel vai avtol.

Buinaksk om lidnümbrikon üks'jäine eländpunkt.

Eläjad

Vn 2010 kaiken Venäman rahvahanlugemižen mödhe lidnan eläjiden lugu oli 62 623 ristitud. Kaikiš suremb ristitišt om nügüd'. Islaman järed Džuma-mečet' i koume pühäpertid, medrese i institut oma olmas lidnas, mugažo ortodoksižen hristanuskondan ph. Aleksandr Nevskijan jumalanpert' om saudud vl 2000; iudaizman pühäpert' ei ole väges hudran olendan tagut.

Rahvahad (enamba 0,4% vl 2010): avarad — 45,8%, kumikalaižed — 30,8%, venälaižed — 7,0%, lakalaižed — 6,8%, darginalaižed — 6,3%, azerbaidžanlaižed — 0,6%, lezginalaižed — 0,4%, toižed rahvahad — 1,9%, rahvahuden ozutandata — 0,4%.

Professionaližen opendusen aluzkundad: Buinakskan kooperativine tehnikum, pedagogine, agrotegimišton i tegimištoliž-ekonomine kolledžad, medicinine škol, viž üläopendusen aluzkundad (Moskv, Belgorod, Mahačkal, Piter).

Irdkosketused

• Lidnümbrikon tobmuden aluzkundoiden oficialine sait (buynaksk05.ru). (ven.)