Suvisuhokumsk

Suvisuhokumsk
Южно-Сухокумск (ven.)
Салануб (avar.)
Кьибле-Сухокумск (lezg.)

Lidnanznam
Valdkund	Venäma
Eläjiden lugu (2021)	10,503 ristitud
Pind	6,23 km²
Pämez'	Sejidahmed Mamadov (sulaku 2023—)
Telefonkod	+7−87 276-xx-xxx
Avtokod	05
Aigvö	UTC+3 (MSK+0)

Suvisuhokumsk (ven.: Ю́жно-Сухоку́мск, avar.: Салануб, lezg.: Кьибле-Сухокумск) om Venäman lidn da lidnümbrik Dagestanan Tazovaldkundan lodehes.

Istorii

Eländpunktan aluz om pandud nügüdläiženke nimenke vl 1958 samha kivivoid, nimitihe venäks jogen mödhe. Lidnanvuitte žilo sai lidnan statusad vl 1988.

Suvisuhokumsk šingotase kivivoin samižel, elektromehanižel tegimel (ohjanduzpul'tad, avtodetalid) i leibtegimel.

Geografijan andmused

Lidn sijadase Nogain stepiš, Kumanjogen suvižel kuivajal hijamal, kümne metrad keskmäižel korktusel valdmeren pindan päl.

Matkad Stavropolin randhasai om kümne kilometrad lodeheze avtotedme, Mahačkalhasai om 240 km suvipäivnouzmha orhal vai 305 km avtol. Lähembaine lidn om Neftekumsk (Stavropolin rand) 60 km päivlaskmha avtotedme.

Klimat om terav kontinentaline. Heinkun keskmäine lämuz om +24,9 C°, vilukun −3,7 C°. Paneb sadegid 320 mm vodes.

Tobmuz

Suvisuhokumsk om lidnümbrikon üks'jäižeks eländpunktaks. Lidnümbrikon pind — 91,7 km². Om ümbärtud Nogain rajonal. Lidnan Päivnouzmaižsuhokumsk-mikrorajon (ven.: Восточно-Сухокумск, 300 rist. vl 2012, edel 1995. vot erine žilo) sijadase 27 km pohjoižpäivnouzmha.

Lidnümbrikon tobmuden pämez' om sen Administracijan pämez'. Edeline Administracijan pämez' om Abdula Abdurahimovič Abdulaev (tal'vku 2017 — sulaku 2023). Lidnümbrikon Deputatoiden suiman ezimez' om Magomed Gadučaev vn 2021 elokuspäi. Edeližed suiman ezimehed oma Naira Aminova (reduku 2020 — eloku 2021), Karim Gasanilov (vn 2020 viluku-reduku), Abdula Hardajevič Abdulaev (kül'mku 2017 — viluku 2020), Sergei Kas'janov (kül'mku 2015 — kül'mku 2017).

Eläjad

Vn 2010 kaiken Venäman rahvahanlugemižen mödhe lidnan eläjiden lugu oli 10 035 ristitud, vn 2021 — 10 503 ristitud. Kaik 10 543 ristitud elihe lidnas vl 2017. Kaikiš suremb lidnan ristitišt oli 12 400 eläjad vl 1992.

Rahvahad (enamba 4 % vl 2010): avarad — 46,1 %, darginalaižed — 21,1 %, lezginalaižed — 10,3 %, lakalaižed — 9,2 %, kumikalaižed — 4,8 %, venälaižed — 4,2 %, toižed rahvahad — 4,1 %, rahvahuden ozutandata — 0,2 %.

Islaman Džuma-mečet' i fartal'ne mečet' oma avaitud lidnas.

Lapsiden opendusen aluzkundad oma koume nimitadud i nomeruidud päivkodid (nomer 2, 3, 5), keskškol (nomer 2), lapsiden da norišton sädamižen keskuz, čomamahtoiden škol, lapsiden da norišton sportškol. Tazovaldkundan Holitišiden sferan kolledžan (Hasavürt) filial om lidnan professionaližen opendusen aluzkundaks.

Irdkosketused

• Lidnümbrikon tobmuden sait (u-suhokumsk.ru). (ven.)
• Lidnan informacine sait (suhokumsk-online.ru). (ven.)