Neftekumsk

Neftekumsk
Нефтекумск

Lidnanznam	Flag
Valdkund	Venäma
Eläjiden lugu (2021)	23,137 ristitud
Pind	20 km²
Telefonkod	+7−86 558-xx-xxx
Avtokod	26, 126
Aigvö	UTC+3 (MSK+0)

Neftekumsk (ven.: Нефтеку́мск) om Venäman lidn Stavropolin randan päivnouzmas. Se om Neftekumskan lidnümbrikon (edel vn 2017 semendkud — rajonan) administrativine keskuz, mülüi sihe ende-ki.

Istorii

Eländpunktan aluz om pandud vl 1958 samha kivivoid. Vl 1965 kätihe uden rajonan keskuseks. Radnikžilo sai lidnan statusad vl 1968.

Neftekumsk šingotase kivivoin samižel tähäsai (läz 1 mln tonnoid vodes), mugažo leibtegim i maidtegim ratas lidnas.

Geografijan andmused

Lidn sijadase Nogain stepiš, Kumanjogen oiktal randpolel, vides kilometras jogespäi, 40 m keskmäižel korktusel valdmeren pindan päl. Matkad Stavropolihesai om 276 km päivlaskmha. Lähembaižed lidnad oma Suvisuhokumsk (Dagestan) 60 km päivnouzmha avtotedme i Budönnovsk 70 km päivlaskmha avtol.

Eläjad

Vn 2010 Venäman rahvahanlugemižen mödhe lidnan eläjiden lugu oli 27 687 ristitud, rajonan kaks' videndest. Vl 2018 lidnan ristitišt oli 24 763 eläjad. Kaikiš suremb ristitišt oli 27 703 eläjad vl 2011.

Rahvahad (enamba 1% vl 2010): venälaižed — 75,5%, darginalaižed — 7,0%, nogailaižed — 3,4%, totarlaižed — 3,2%, armenijalaižed — 1,9%, turkmenalaižed — 1,7%, avarad — 1,0%, toižed rahvahad — 6,0%, rahvahuden oztandata — 0,3%.

Ortodoksižen hristanuskondan nell' pühäpertid oma saudud lidnas: ph. Sergii Radonežalaižen jumalanpert' (om letud vll 1992−2003) i koume časounäd. Islaman džuma-mečet' i loičendpert' oma avaitud.

Neftekumskan regionaline politehnine kolledž om lidnan profopendusen aluzkundaks.

Galerei

• 
  Nevondkundaližiden sodamehiden hoštusen muštnik (2012)
• 
  Ph. Sergii Radonežalaižen jumalanpert', vn 2012 nägu
• 
  Tegimištzon vl 2012
• 
  «Neftänik»-kul'turkeskuz (2012, Kivivoinradnik)

Irdkosketused

• Neftekumskan lidnümbrikon tobmuden aluzkundoiden oficialine sait (angosk.ru). (ven.) (angl.) (fr.) (saks.)