Lermontov (lidn)

Lermontov
Лермонтов
Lidnanznam;	Flag;
Valdkund	Venäma
Eläjiden lugu (2022)	23,675 ristitud
Pind	30,78 km²
Pämez'	Stanislav Poluläh; (reduku 2018—)
Telefonkod	+7−87 935-xx-xxx
Avtokod	26, 126
Aigvö	UTC+3 (MSK+0)

Sil sanal voib olda toižid znamoičendoid; miše nähta niid, tulgat tänna.

Lermontov (ven.: Ле́рмонтов) om Venäman lidn da lidnümbrik Stavropolin randan suves. Mülüb Kavkazižed Mineraližed Veded-regionha.

Istorii[redaktiruida | redaktiruida purde]

Eländpunktan aluz om pandud vl 1953 samha urankivendod (gidrometallurgine tegim). Radnikžilo sai lidnan statusad vl 1957. Lopihe urankivendon samišt vl 1967.

Lermontov-lidn šingotihe ladimensauvomižen edheotandoil nevondkundaližel aigal. Nügüd'aigan gidrometallurgine tegim (enzne uranan samižen edheotand) pästab mineraližid heretusid i söteližadusid, mugažo mašinansauvomižen «Almaz»-tegim^[1] (massižed tegesed metallaspäi), elektromehanine tegim (likutimed, fil'trad), karvkombinat, sömkombinat, plastikpakuitesen i plastikverkon edheotandad ratas lidnas.

Geografijan andmused[redaktiruida | redaktiruida purde]

Lidn sijadase ümbärtüd mägil alangištos, 650 m ü.m.t. keskmäižel korktusel. Matkad Stavropolihesai om 182 km lodeheze. Lähembaižed lidnad oma Pätigorsk 10 km suvipäivnouzmha, Jessentukad 10 km suvipäivlaskmha i Železnovodsk 10 km pohjoižpäivnouzmha.

Ostrogork-žilo (ven.: Острогорка, 2 043 rist. vl 2018) mülüb lidnümbrikho Lermontovan ližaks.

Eläjad[redaktiruida | redaktiruida purde]

Vn 2010 Venäman rahvahanlugemižen mödhe eläjiden lugu oli 22 541 ristitud. Vl 2017 lidnan ristitišt oli 22 477 eläjad. Kaikiš suremb lidnan ristitišt oli 24 500 eläjad vl 1996.

Rahvahad (lidnan eläjad, enamba 1 % vl 2010): venälaižed — 82,7 %, ukrainalaižed — 2,2 %, armenijalaižed — 1,9 %, toižed rahvahad — 3,8 %, rahvahuden ozutandata — 9,4 %.

Ortodoksižen hristanuskondan seičeme jumalanpertid^[2] oma saudud lidnümbrikos: kaks' lidnas, nell' Jumalanmaman Emäganpäivän Kahtenden Afonan mez'jumalankodiš Beštau-mägel i ph. Jurgii-vägestusenkandajan Ostrogork-žilos. Protestantizman kaks' loičendpertid oma avaitud: seičemenden päivän adventistoiden i baptistoiden.

Lermontovan regionaline äiprofil'ne kolledž^[3] i Moskvan avtoteiden valdkundaližen tehuniversitetan Pohjoižkavkazine filial oma lidnan professionaližen opendusen aluzkundoikš.

Edeline lidnan pämez' (Administracijan pämez') om Jevgenii Nuikin (viluku 2017 — sügüz'ku 2018). Lidnan Nevondkundan ezimez' om Aleksandr Karibov vn 2017 redukuspäi.

Galerei[redaktiruida | redaktiruida purde]

Lidnümbrikon tobmuden sauvuz (2019)
Vn 2019 nägu Ostrai-mägen pautkelpäi
Lermontovan prospekt vl 2019

Homaičendad[redaktiruida | redaktiruida purde]

Irdkosketused[redaktiruida | redaktiruida purde]

Lermontov-lidnan sijaližen ičeohjandusen aluzkundoiden oficialine sait (lermsk.ru). (ven.)

Lermontov (lidn) Vikiaitas

	Stavropolin randan lidnad
	Blagodarnii \| Budönnovsk \| Georgijevsk \| Ipatovo \| Izobil'nii \| Jessentukad \| Kislovodsk \| Lermontov \| Mihailovsk \| Mineraližed Veded \| Neftekumsk \| Nevinnomissk \| Novoaleksandrovsk \| Novopavlovsk \| Pätigorsk \| Stavropol' \| Svetlograd \| Zelenokumsk \| Železnovodsk

[1] Lermontovan mašinansauvomižen tegimen sait (lmza.ru). (ven.)

[2] Lermontovan lidnümbrikon pühäpertid sobory.ru-saital. (ven.)

[3] Lermontovan regionaližen äiprofil'žen kolledžan sait (lrmk.ru). (ven.)

[1]

[2]

[3]