Pätigorsk

Pätigorsk
Пятигорск

Lidnanznam	Flag
Valdkund	Venäma
Eläjiden lugu (2021)	146,473 ristitud
Pind	97 km²
Pämez'	Dmitrii Vorošilov (sulaku 2020—)
Telefonkod	+7−8793-xxx-xxx
Avtokod	26, 126
Aigvö	UTC+3 (MSK+0)

Pätigorsk (ven.: Пятиго́рск, kab. da čerk.: Псыхуабэ, armen.: Պյատիգորսկ Pjatigorsk) om Venäman lidn da lebutaho Stavropolin randan suves. Se om randan kahtenz' surtte lidn, Pätigorskan lidnümbrikon administrativine keskuz. Om Kavkazižed Mineraližed Veded-regionan palaks.

Vn 2010 vilukun 19. päiväspäi Pätigorsk om Pohjoižkavkazan federaližen ümbrikon administrativižeks keskuseks.

Istorii

Eländpunktan aluz om pandud vl 1780 kuti Konstantinogorskan lidnuz. Goräčevodsk-žilo (Hulad Veded) sai lidnan statusad vl 1830 udenke nügüdläiženke nimenke, läheseižujan (ei mülü lidnha) izoliruidud Beštau-mägen mödhe (kab. da čerk.: Beštau — «viž-mägi», 1401 m ü.m.t.).

Pätigorskan ižandusen päsarakod oma turizm, sömtegimišt (leibänkombinat, maidkombinat, lihategim, kül'menzoittud produktoiden kombinat, mineraližiden veziden butiliruind), omblendtegimišt (nahkan i karvan ümbriradmine, sobiden omblendan pened edheotandad), mašinoidensauvomine (mašiništ sömtegimišton i lindfabrikoiden täht, maižanduzmašinad, kommunaline mašiništ), elektrotehnine (ladimed radiacijan kontrolin täht tegimištos, pened elektromašinad), torguind.

Geografijan andmused

Lidnan sijaduz randas vn 2010 kartal

Lidn sijadase Podkumk-jogen randal (Kuman oiged ližajogi), Mašuk-mägen (993 m) pautkil da pohjanno, 500..600 m korktusil valdmeren pindan päl. Pätigorsk sab reskvet Kubanišpäi vezivedon kal't.

Matkad Stavropolihesai om läz 150 km lodeheze. Lähembaine lidn om Lermontov kümnes kilometras lodeheze avtotedme.

Pätigorsk-päraudtestancii sijadase «Mineraližed Veded — Kislovodsk»-keskustal. Kaik om nell' raudtestancijad da üks' platform lidnan röunoiš.

Tobmuz

Lidn jagase kudeks lidnanlaptaks Energetik-žilonke.

Edeline lidnan pämez' om Andrei Skripnik (tal'vku 2017 — sulaku 2020).

Eläjad

Vn 2010 Venäman rahvahanlugemižen mödhe lidnan eläjiden lugu oli 142 511 ristitud. Vl 2018 lidnan ristitišt oli 145 885 eläjad. Kaikiš suremb lidnan ristitišt oli 147 861 eläjad vl 2020.

Rahvahad (enamba 1 % vl 2010): venälaižed — 71,5 %, armenijalaižed — 13,3 %, azerbaidžanlaižed — 3,1 %, ukrainalaižed — 1,8 %, kabardalaižed — 1,2 %, toižed rahvahad — 8,4 %, rahvahuden ozutandata — 0,7 %.

Ortodoksižen hristanuskondan vižtoštkümne pühäpertid oma saudud lidnas: kaks' päjumalanpertid, 11 jumalanpertid i kaks' časounäd. Riman katoline Sündun Toižetamižen pühäpert' om letud vll 1840−1844. Armenižen jumalankodikundan «Surb Sarkis»-jumalanpert' radab. Protestantizman kaks' loičendpertid (baptizm, seičemenden päivän adventistad) oma avaitud. Islaman pämečet' om olmas.

Openduz

Lapsiden opendusen aluzkundad oma päivkodid, keskškolad.

Professionaližen opendusen aluzkundad oma Pätigorskan medicinine kolledž, torguindan, tehnologijoiden i servisan tehnikum (ende agrarine tehnikum), ekonomikan i innovacižtehnologijoiden tehnikum, mugažo üläopendusen Pätigorskan valdkundaline universitet i severz'-se toižid aluzkundoid da filialoid läz 40 tuhanke üläopenikoid.

Galerei

• 
  Pätigorskan lidnümbrikon ohjastusen pert' (2011)
• 
  Venäman prezidentan ezitajan Pohjoižkavkazan federaližes ümbrikos rezidencii (2020, istorine «Bristol'»-adivpert')
• 
  Spravitajan Hristan Päzutajan kafedraline päjumalanpert', vn 2013 nägu
• 
  «Pirogovan vannad»-lebukodi vl 2015
• 
  «Inturist»-adivpert' vl 2011
• 
  Keskuzline sodasanatorii vl 2009
• 
  Pätigorskan valdkundaline universitet (2013, vll 1995−2016 Pätigorskan valdkundaline lingvistine universitet)
• 
  Radai ippodrom (2012)
• 
  Pätigorskan Keskuzline avtostancii vl 2010
• 
  Pätigorsk-päraudtestancii, vn 2013 nägu Mašuk-mägelpäi

Irdkosketused

• Lidnan tobmuden aluzkundoiden oficialine sait (pyatigorsk.org). (ven.)