Mihailovsk (Stavropolin rand)

Mihailovsk
Михайловск
Lidnanznam;	Flag;
Valdkund	Venäma
Eläjiden lugu (2021)	114,133 ristitud
Pind	21 km²
Telefonkod	+7−86 553-xx-xxx
Avtokod	26, 126
Aigvö	UTC+3 (MSK+0)

Sil sanal voib olda toižid znamoičendoid; miše nähta niid, tulgat tänna.

Mihailovsk (ven.: Миха́йловск) om Venäman lidn da lidnankund Stavropolin randan päivlaskmas. Se om Stavropolin pohjoine kaimdailidn, randan Špakan rajonan administrativine keskuz.

Istorii[redaktiruida | redaktiruida purde]

Eländpunktan aluz om pandud vl 1784 kuti Mihailovskoje-külä. Vozil 1963−1998 sen nimi oli Špakovskoje-külä. Se sai lidnan statusad vspäi 1999 nügüdläiženke nimenke.

Mihailovskan ižandusen päsarakod oma sauvondmaterialiden tehmine i sömtegimišt, avtodetaliden tegim i avtoühthekeradamižen tegim ratas.

Geografijan andmused[redaktiruida | redaktiruida purde]

Lidn seižub Stavropolin ülüdel, 440 m korktusel valdmeren pindan päl. Mihailovsk sijadase kahtes kilometras Stavropolin pohjoižröunaspäi. Kova tullei oleleb paksus, se üleneb 10 metrhasai sekundas da sen enamba (35..40 m/s) 50 päiväl vodes.

Mihailovskan lidnankund oli vhesai 2020. Mülütihe koumed eländpunktad lidnankundha Mihailovskan ližaks. Lidnankundan pind oli 256 km².

Eläjad[redaktiruida | redaktiruida purde]

Vn 2010 Venäman rahvahanlugemižen mödhe lidnan eläjiden lugu oli 70 981 ristitud. Kaikiš suremb lidnan ristitišt om nügüd' (vl 2021). Vl 2018 kaik 90 698 ristitud elihe lidnas i 91 254 ristitud kaikes lidnankundas.

Rahvahad (vn 2002 rahvahanlugemine, enamba 1%, ozutadud rahvahudenke): venälaižed — 87,1%, armenijalaižed — 7,7%, čiganalaižed — 1,3%, ukrainalaižed — 1,3%.

Ortodoksižen hristanuskondan ühesa pühäpertid^[1] oma saudud lidnas: Mikoi-arhangelan päjumalanpert' (om letud vll 2002−2018), seičeme jumalanpertid i časoun'. Baptizman jumalanpert' om avaitud.

Äiprofil'ne tehnikum kozakišton S. S. Nikolajev-jenaralan nimed^[2] i privatine Akademine äiprofil'ne kolledž^[3] om lidnan professionaližen opendusen aluzkundoikš.

Jäl'gmäine lidnan pämez' om Igor' Serov (reduku 2016 — heinku 2020).

Galerei[redaktiruida | redaktiruida purde]

Igähine lämoi Suren sodan pölištunuziden muštoks (2016)
Venäman kaikiden pühämehiden jumalanpert' (ortodoksine hristanuskond), vn 2016 nägu
Časoun' (2016)
Torguindkeskuz (2016)
Palagiad-raudtestancijan sauvuz vl 2008

Homaičendad[redaktiruida | redaktiruida purde]

↑ Mihailovskan pühäpertid sobory.ru-saital. (ven.)
↑ Äiprofil'žen tehnikuman sait (tehnikum-nikolaeva.ru). (ven.) (+ äikel'ne avtomatine känduz)
↑ Akademižen äiprofil'žen kolledžan sait (amcollege.ru). (ven.)

Irdkosketused[redaktiruida | redaktiruida purde]

Mihailovsk-lidnan i Špakan lidnümbrikon tobmuden sait (shmr.ru). (ven.)

Mihailovsk (Stavropolin rand) Vikiaitas

	Stavropolin randan lidnad
	Blagodarnii \| Budönnovsk \| Georgijevsk \| Ipatovo \| Izobil'nii \| Jessentukad \| Kislovodsk \| Lermontov \| Mihailovsk \| Mineraližed Veded \| Neftekumsk \| Nevinnomissk \| Novoaleksandrovsk \| Novopavlovsk \| Pätigorsk \| Stavropol' \| Svetlograd \| Zelenokumsk \| Železnovodsk

[1] Mihailovskan pühäpertid sobory.ru-saital. (ven.)

[2] Äiprofil'žen tehnikuman sait (tehnikum-nikolaeva.ru). (ven.) (+ äikel'ne avtomatine känduz)

[3] Akademižen äiprofil'žen kolledžan sait (amcollege.ru). (ven.)

[1]

[2]

[3]