Pukur'g

Pukur'g
Pukur'g Čehanman zooparkas
Tedoklassifikacii
Valdkund: Živatad Tip: Sel'gjäntkeižed (Chordata) Klass: Lindud (Aves) Heimkund: Pukur'genvuiččed (Ciconiiformes) Sugukund: Pukur'gižed (Ciconiidae) Heim: Pukur'ged (Ciconia) Erik: Pukur'g
Latinankel'ne nimi
Ciconia ciconia (Linnaeus, 1758)
Areal
Pezoitelendtahoiden areal      Tal'vdundan tahod   Migracijoiden ted
Sistematik Vikierikoiš Kuvad Vikiaitas ITIS 174907 NCBI 8928

Pukur'g (latin.: Ciconia ciconia) om Evrazijan i Afrikan levitadud järed kezalind. Mülütadas Pukur'gižed-sugukundan tipižhe Pukur'ged-heimho.

Leviganduz

Pukur'ged elädas luhtoil i sokhil mail, läz ristitun eländtahoid. Zavodihe pezoiteldas puiden ladvoil istorižikš.

Kaik om kaks' alaerikod:

• Ciconia ciconia ciconia — evropiž-afrikalaine alaerik.
• Ciconia ciconia asiatica — azijalaine alaerik, pezoitelese Keskuzazijas, tal'vdub Iranaspäi Indijhasai.

Ümbrikirjutand

Lindun hibj om vauged, suudigen agjad oma mustad. Kagl om pit'k, rusttan n'okun plingund kävutase besedoičendan aluseks. Emäčuiden irdnägu om ižačuiden kartte, no emäčud oma penemb. Pukur'gen kazv oleleb 100..125 sm, suugiden maihutuzkeskust voib olda i pol'tošt, i kaks' metrad, hibjan veduz sase nellhä kilogrammhasai.

Lindunpoigaine om vaumiž eläda ripmatomašti kazvatajišpäi seičemekümnepäiväližes igäs. Migriruidas leten kuivman päl. Pukur'g oleskeleb täuz'kaznu koumevoččen, no voib zavodida äikerdoitas kuz'voččes-ki igäs. Elädas kaks'kümnehe vodhesai keskmäras.

Söte

Pukur'ged södas löcuid, soiden küid, koskhaižid, henoid kaloid, šihlikoid i henoid imetaiživatoid (hirid, makondjid, jänišan poigaižid).

Söttas poigaižid ezmäižil päivil henol da ku voimuz om ka libedal sal'hel: čunz'ud, čirkad (čibirikod, škurlingod), gavedid da niiden madod. Suremb saliž andase elon koumandes nedališpäi, imetaiživatad i toine saliž — vižnedaližes igäspäi.

Galerei

• 
  Pukur'gen muna
• 
  Lindun peza radotoman torven päs, Brandenburg-federacijanma, Saksanma
• 
  Pukur'ged pezal, Kaliningradan agj, Venälaine Federacii
• 
  Pukur'g poigaižidenke pezas, Artis-zoopark, Alamad
• 
  Lind lendusen aigan, Forarl'berg-federacijanma, Avstrii