Aniv (lidn)

Aniv
Анива

Lidnanznam	Flag
Valdkund	Venäma
Eläjiden lugu (2018)	9,445 ristitud
Pind	8 km²
Pämez'	Artöm Lazarev (tal'vku 2017—)
Telefonkod	+7−42 441-xx-xxx
Avtokod	65
Aigvö	UTC+11 (MSK+8)

Aniv (ven.: Анива, japon.: アニワ Aniva, edel 1946 vot — Rutak, japon.: 留多加 Rutaka) om Venäman lidn Sahalinan agjan Sahalin-saren suves. Se om Anivan lidnümbrikon administrativine keskuz (edel 2005 vot — rajonan).

Istorii

Eländpunktan aluz om pandud Venäman imperijha vl 1886 kuti Lütogankülä (ven.: деревня Лютога), nimitihe jogen mödhe. Vll 1905−1945 udesnimitadud Rutak:aks žilo oli Japonijan palaks sodan rezul'tataks. Suren sodan aigan Rusked Armii anasti lidnad vl 1945. Om lidnan statusanke i nügüdläiženke nimenke vspäi 1946, nimitihe lahten mödhe.

Lidn šingotase sömtegimištol (kalanpüdand i kalan ümbriradmine), londuseližen gazan samižel.

Geografijan andmused

Lidn sijadase Lütog-jogen molembil randoil (ven.: Лютога) läz sen jogensud, i Tünen valdmeren Anivan lahten randal, lahten kaidan sijan — Lohiden pohtanno (ven.: бухта Лососей), 3 m ü.m.t. keskmäižel korktusel. Matkad Suvisahalinskan keskushesai om 31 km pohjoižpäivnouzmha orhal vai 37 km avtotedme, raudte om likvidiruidud vl 1995. Toine lähembaine lidn om Korsakov 20 km suvipäivnouzmha orhal lahtedme vai 71 km avtotedme.

Eläjad

Vn 2010 Venäman rahvahanlugemižen mödhe lidnan eläjiden lugu oli 9 115 ristitud, lidnümbrikon pol'. Kaikiš suremb lidnan ristitišt om nügüd'. Ortodoksižen hristanuskondan ph. Serafim Sarovalaine-čudonsädajan jumalanpert' (vspäi 1994) i baptizman «Blagodat'»-pühäpert' oma olmas lidnas.

Galerei

• 

  Lütog-jogi lidnan sildaspäi (2011)

• 

  «Blagodat'»-pühäpert' (baptizm), vn 2011 nägu

• 

  Enččen raudten pudotez lidnas vl 2012

• 

  Anivan majak vl 2017

Irdkosketused

• Lidnan da lidnümbrikon tobmuden aluzkundoiden oficialine sait (aniva.admsakhalin.ru). (ven.)
• Lidn da lidnümbrik Sahalinan agjan ohjastusen oficialižel sakhalin.gov.ru-saital. (ven.)