Severokuril'sk

Severokuril'sk
Северо-Курильск
Lidnanznam;	Flag;
Valdkund	Venäma
Eläjiden lugu (2018)	2,507 ristitud
Pind	155 km²
Pämez'	Aleksandr Serebräkov; (keväz'ku 2014—)
Telefonkod	+7−42 453-xx-xxx
Avtokod	65
Aigvö	UTC+11 (MSK+8)

Lidnan geografine sijaduz saril

Severokuril'sk (ven.: Северо-Курильск, japon.: セベロクリリスク Seberokuririsku, edel 1946. vot — Kasivabar, japon.: 柏原 Kasivabara) om Venäman lidn Sahalinan agjan Paramušir-saren pohjoižes. Se om Severokuril'skan lidnümbrikon administrativine keskuz (edel 2006. vot — rajonan) da üks'jäine elänzoittud eländpunkt.

Istorii[redaktiruida | redaktiruida purde]

Vspäi 1711 Venäman imperijan merimatkadajad tedoiziba Kurilan sarid Petropavlovskaspäi Kamčatkal. Vll 1875−1945 oli Japonijan oficialižeks palaks. Japonijalaižed paniba Kasivabar-žilon alust ainalaižiden Ottomai-külän sijha. Sirtihe ainalaižid Šikotan-sar'he. Nimitihe žilod «Ivaki»-tedoiduzlaivan kapitanan kanzannimen mödhe. Suren sodan aigan AÜV:oiden aviacii bombardirui meriportad da sodalendimportad žilos vspäi 1943. Se sai lidnan statusad vl 1946, nimitihe Kurilan sariden mödhe.

Vn 1952 5. päiväl kül'mkud luja cunami (10 m) pani lidnad mantazole, i se om udessündutadud uzil korktusil. Severokuril'sk šingotase kalantegimišton radol sijaližel torhudel.

Geografijan andmused[redaktiruida | redaktiruida purde]

Lidn sijadase Kurilan kahtenden sal'men randal (ven.: Второй Курильский пролив), 30 m ü.m.t. keskmäižel korktusel, Tünen valdmeren Ohotskan meren päivnouzmaižel randal. Matkad Suvisahalinskhasai om 1060 km suvipäivlaskmha orhal, no voib sadas kalalaivištol vai punolendimel vaiše Petropavlovskan Kamčatkal kal't (Kamčatkan rand) 312 km pohjoižpäivnouzmha orhal, se om lähembaine lidn.

Klimat om subarktine meren märg. Elokun lämuz om +11,5 C°, vilukun-uhokun — −4,1..−4,9 C°. Voden keskmäine lämuz om +2,8 C°. Paneb sadegid 1844 mm vodes, vähemba uhokus-kezakus (107..128 mm kus). Voib panda tuhkad lähižes Ebeko-vulkanaspäi 7 kilometras.

Baikovo-sodažilo jäb kaikenaigaižeta ristitištota 20. voz'sadan lopuspäi, mülüb lidnümbrikho Severokuril'skan ližaks. Lidnümbrikon pind — 3501,23 km².

Eläjad[redaktiruida | redaktiruida purde]

Vn 2010 Venäman rahvahanlugemižen mödhe lidnan eläjiden lugu oli 2 536 ristitud. Kaikiš suremb lidnan ristitišt oli 7 733 eläjad vl 1959 i 5 180 eläjad vl 1989.

Galerei[redaktiruida | redaktiruida purde]

Lidnan nägu edel vn 1952 cunamid
Kajaged kalategimen päl Paramušir-sarel (2021)

Homaičendad[redaktiruida | redaktiruida purde]

Irdkosketused[redaktiruida | redaktiruida purde]

Severokuril'sk Vikiaitas

	Sahalinan agjan lidnad
	Aleksandrovsk Sahalinal \| Aniv \| Dolinsk \| Holmsk \| Korsakov \| Kuril'sk \| Makarov \| Nevel'sk \| Oh \| Poronaisk \| Severokuril'sk \| Suvisahalinsk \| Tomari \| Uglegorsk