Uglegorsk (Sahalinan agj)
Lidnanznam.png)
| |
| Valdkund | Venäma |
| Eläjiden lugu (2018) | 8,860 ristitud |
| |
| Pämez' | Sergei Doroščuk (sulaku 2016—, velgusentäutai) |
| Telefonkod | +7−42 432-xx-xxx |
| Avtokod | 65 |
| Aigvö | UTC+11 (MSK+8) |
Sil sanal voib olda toižid znamoičendoid; miše nähta niid, tulgat tänna.
Sil sanal voib olda toižid znamoičendoid; miše nähta niid, tulgat Uglegorsk (ven.: Углегорск, japon.: ウグレゴルスク Uguregorusku) om Venäman lidn Sahalinan agjan Sahalin-saren päivlaskmas. Se om Uglegorskan lidnümbrikon administrativine keskuz (edel 2017. vot — rajonan).
Istorii[redaktiruida | redaktiruida purde]
Eländpunktan aluz om pandud 20. voz'sadan augotišes. Vozil 1905−1945 oli Japonijan palaks, nimitihe Esutoro-šičö (japon.: 恵須取支庁). Saudud japonijalaižil cellülozbumagaine kombinat radoi sijaližel torhudel 1990-nzihe vozihesai. Anttihe lidnan statusad vl 1946.
Lidn šingotase kivihilen i buran hilen samižel ümbrištos tomha verhiže maihe — «Päivnouzmaine kaivuzkompanii» da toižed, i sömtegimištol (leibtegim, oludtegim, kalanümbriradmine), meriport radab.
Geografijan andmused[redaktiruida | redaktiruida purde]
Lidn sijadase Tünen valdmeren Tataran sal'men päivnouzmaižel randal, 15 m ü.m.t. keskmäižel korktusel. Matkad Suvisahalinskhasai om 240 km suvhe orhal vai 290 km avtotel. Lähembaižed lidnad oma Poronaisk 77 km pohjoižpäivnouzmha orhal vai 220 km avtotedme i Makarov 73 km suvipäivnouzmha orhal vai 270 km avtol.
Lühüd Tuhlänk-jogi om lidnan pohjoižröunaks, sauvomižen jäl'ghe Masurao-kanal, lankteb Tataran sal'mhe. Uglegork-jogi (ven.: Углегорка) ümbärdab lidnan päivnouzmpoles i pohjoižespäi 2 kilometras, lankteb merhe mugažo.
Eläjad[redaktiruida | redaktiruida purde]
Vn 2010 Venäman rahvahanlugemižen mödhe lidnan eläjiden lugu oli 10 381 ristitud, lidnümbrikon nell' seičemendest. Kaikiš suremb lidnan ristitišt oli 18 800 eläjad vl 1935 i 19 100 eläjad vl 1992. Ortodoksižen hristanuskondan Jumalanmaman Vladimiran jumalaižen pühäpert' om saudud vl 2014. Sintoizman kahten pühäpertin jändused oma kaičenus.
Lähembaine professionaližen opendusen aluzkund om Sahalinan kaivuztehnikum, sijadase lidnanvuiččes Šahtörsk-žilos 10 km pohjoižhe, mugažo regionaline lendimport.
Galerei[redaktiruida | redaktiruida purde]
Jumalanmaman Vladimiran jumalaižen pühäpert', vn 2016 nägu
Lidnan meriport vl 2008
Homaičendad[redaktiruida | redaktiruida purde]
Irdkosketused[redaktiruida | redaktiruida purde]
- Lidnan da lidnümbrikon tobmuden aluzkundoiden oficialine sait (uglegorsk.admsakhalin.ru). (ven.)
- Lidn da lidnümbrik Sahalinan agjan ohjastusen oficialižel sakhalin.gov.ru-saital. (ven.)
- Lidnan informacine sait (uglegorsk.ru). (ven.)
 |
Uglegorsk (Sahalinan agj) Vikiaitas |
| Sahalinan agjan lidnad | ||
| Aleksandrovsk Sahalinal | Aniv | Dolinsk | Holmsk | Korsakov | Kuril'sk | Makarov | Nevel'sk | Oh | Poronaisk | Severokuril'sk | Suvisahalinsk | Tomari | Uglegorsk | ||