Nevel'sk

Nevel'sk
Невельск
Lidnanznam;	Flag;
Valdkund	Venäma
Eläjiden lugu (2018)	10,421 ristitud
Pind	9 km²
Pämez'	Aleksei Šabel'nik; (kül'mku 2017—)
Telefonkod	+7−42 436-xx-xxx
Avtokod	65
Aigvö	UTC+11 (MSK+8)

Nevel'sk (ven.: Невельск, japon.: ネベリスク Neberisku, edel 1946. vot — japon.: 本斗 Honto) om Venäman lidn Sahalinan agjan Sahalin-saren suves. Se om Nevel'skan lidnümbrikon administrativine keskuz (edel 2010. vot — rajonan).

Istorii[redaktiruida | redaktiruida purde]

Ainalaižiden Ponto-Kesi- i Turumai-küläd mainitadas vspäi 1789. Vll 1855−1875 kaks'jaine ohjanduz oli küliš — Venäman imperijan i Japonijan. Nügüdläižen eländpunktan aluz om pandud Japonijha 20. voz'sadal lidnalaižes Honto-volostikš Maokan makundas. Vl 1920 raudte ühtenzoiti žilod Maokanke. Vhesai 1945 oli Japonijan palaks, šingotihe kalankazvatusel, jädumatomal meriportal (vspäi 1927) i imperatorižel sodaškolal. Sai lidnan statusad vl 1946, nimitihe Gennadii Nevel'skoi-admiralan kanzannimen mödhe.

Lidn šingotase kalanpüdandan meriportal i kalankazvatusel, mugažo meriškol i röunman sodaväged sijadasoiš Nevel'skas.

Geografijan andmused[redaktiruida | redaktiruida purde]

Lidn sijadase Tataran sal'men suvipäivnouzmaižel randal, lühüdoiden Nevel'skai- (ven.: Невельская) i Kazačk- (ven.: Казачка) jogiden alangištoiš (lanktas merhe), 7 m ü.m.t. keskmäižel korktusel. Matkad Suvisahalinskhasai om 73 km pohjoižpäivnouzmha orhal, 91 km avtotedme vai 307 km raudtel. Lähembaine lidn om Holmsk 43 km pohjoižhe-pohjoižpäivnouzmha orhal, 44 km raudtedme vai 47 km avtotedme.

Meriport om saudud putkotadud gruntal. Jäl'gmäine luja manrehkaiduz oli vl 2007 2. päiväl elokud (6,1 magnitudanke). Nevel'sk alištub lavinoile.

Eläjad[redaktiruida | redaktiruida purde]

Vn 2010 Venäman rahvahanlugemižen mödhe lidnan eläjiden lugu oli 11 682 ristitud, lidnümbrikon kaks' koumandest. Kaikiš suremb lidnan ristitišt oli 24 800 eläjad vl 1992. Ortodoksižen hristanuskondan Jumalanmaman Sündundpäivän puine pühäpert' om saudud vl 1998.

Galerei[redaktiruida | redaktiruida purde]

Muštnik Sevsk-, Sebež, Boksitogorsk- i Nahičevan'-laivoiden pölištunuzile (19.01.1965) radon aigan merimehile-kalanpüdajile
Nevel'sk-raudtestancii vl 2016

Homaičendad[redaktiruida | redaktiruida purde]

Irdkosketused[redaktiruida | redaktiruida purde]

Nevel'sk Vikiaitas

	Sahalinan agjan lidnad
	Aleksandrovsk Sahalinal \| Aniv \| Dolinsk \| Holmsk \| Korsakov \| Kuril'sk \| Makarov \| Nevel'sk \| Oh \| Poronaisk \| Severokuril'sk \| Suvisahalinsk \| Tomari \| Uglegorsk