Makarov (lidn)

Makarov
Макаров
	Lidnanznam;
Valdkund	Venäma
Eläjiden lugu (2023)	5,691 ristitud
Pämez'	Sergei Fertikov; (kezaku 2021—)
Telefonkod	+7−42 443-xx-xxx
Avtokod	65
Aigvö	UTC+11 (MSK+8)

Makarov (ven.: Мака́ров, japon.: マカロフ Makarofu, edel 1946. vot — japon.: 知取 Sirutoru / Siritoru) om Venäman lidn Sahalinan agjan Sahalin-saren keskuzpalan suves. Se om Makarovan lidnümbrikon administrativine keskuz (edel 2006. vot — rajonan).

Istorii[vajehta | vajehtada lähte]

Eländpunktan aluz om pandud Venäman imperijha kuti Selütor (ven.: Селютора, nimi ainan augotižlibundanke) vl 1892. Šingotihe kükstud mehil «Korsakovskii — Aleksandrovsk Sahalinal»-počttraktal. Vozil 1905−1945 oli Japonijan palaks. Japonijalaižed sauvoiba cellülozbumagašt tegint i kaivusid, ned radoiba satusekahas 1990-nzihe vozihesai. Udesnimitihe Stepan Makarov-admiralan muštoks.

Makarov-lidn šingotase sömtegimištol: kalan ümbriradmine, leibän tehmine.

Geografijan andmused[vajehta | vajehtada lähte]

Lidn sijadase Tünen valdmeren Ohotskan meren suvipäivlaskmaižel randal (Tirpandan laht, ven.: залив Терпения), 20 m ü.m.t. keskmäižel korktusel. Matkad Suvisahalinskhasai om 185 km suvhe orhal, 213 km avtotedme vai raudtedme. Lähembaižed lidnad oma Poronaisk 70 km pohjoižhe orhal, 77 km avtotedme vai raudtel i Uglegorsk 73 km lodeheze orhal vai 268 km avtotedme.

Kaik kümne žilod mülüdas lidnümbrikho Makarovan ližaks. Lidnümbrikon pind — 2 148,43 km².

Eläjad[vajehta | vajehtada lähte]

Vn 2010 Venäman rahvahanlugemižen mödhe lidnan eläjiden lugu oli 6 705 ristitud, lidnümbrikon — 8 579 ristitud. Vl 2017 kaik 6 717 ristitud elihe lidnas i 8 166 ristitud kaikes lidnümbrikos. Kaikiš suremb lidnan ristitišt oli 15 735 eläjad vl 1935 i 13 919 eläjad vl 1959.

Ortodoksižen hristanuskondan Donan Jumalanmaman jumalaižen uz' puine jumalanpert'^[1] om saudud vll 2005−2008.

Professionaližen opendusen aluzkundad ratas lähembaižiš lidnoiš.

Municipaližen ühtnikan pämez' om sen Administracijan pämez'. Edeline lidnümbrikon pämez' om Andrei Kraskovskii (reduku 2016 — kezaku 2021).

Galerei[vajehta | vajehtada lähte]

Lidnan tobmuden sauvuz (2018)
Donan Jumalanmaman jumalaižen pühäpert', vn 2022 nägu
Sodamemorial Sahalinan päzutajiden muštoks (2018, om saudud vl 2015)
Kul'turkeskuz (2022)
Makarov-päraudtestancijan sauvuz vl 2016

Homaičendad[vajehta | vajehtada lähte]

↑ Makarovan pühäpertid sobory.ru-saital. (ven.)

Irdkosketused[vajehta | vajehtada lähte]

Makarov (lidn) Vikiaitas

	Sahalinan agjan lidnad
	Aleksandrovsk Sahalinal \| Aniv \| Dolinsk \| Holmsk \| Korsakov \| Kuril'sk \| Makarov \| Nevel'sk \| Oh \| Poronaisk \| Severokuril'sk \| Suvisahalinsk \| Tomari \| Uglegorsk

[1] Makarovan pühäpertid sobory.ru-saital. (ven.)

[1]