Brisben

Vikipedii
Hüpähtada: navigacii, Ecind
Brisben
Brisbane
 Lidnanznam
Brisbane COA.gif
 Flag
Flag of Brisbane.svg
Valdkund Avstralii
Eläjiden lugu (2015) 2 308 700 ristitud
Pind 15 826 km²
BrisbenBrisbane
Pämez' Grem Kvirk (2 011-)
Telefonkod +61-(0)7-3-xxx-xxxx
Aigvö UTC+10


Brisben (angl.: Brisbane [ˈbrɪzbən]) om lidn Avstralijan päivnouzmas, koumanz' surtte valdkundas, Kvinslend-štatan pälidn sen alusenpanendaspäi vl 1859. Lidn om Avstralijan järed äitahkoine azjaline keskuz.

Istorii[redaktiruida | redaktiruida purde]

Lidnan aluz om pandud vl 1825 semendkun 13. päiväl Brisben-jogen randal kuti Edenglassi-kolonii elänzoitmaha pidatadud ristituid. Vl 1842 kolonii oli likvidiruidud, eländpunkt tegihe joudjaks. 20. voz'sadan augotišes löutud kuldan samine surenzi lidnan ristitištod. Brisben sai «siti»-statusad vl 1925. Om nimitadud Tomas Brisben-jenaralan oiktastuseks, radoi Uden Suviuel'san kudenden gubernatoran (1821-1825). Toižen mail'man sodan aigan AÜV:oiden il'msodavägiden štab sijazihe lidnas.

Geografijan andmused[redaktiruida | redaktiruida purde]

Brisben sijadase Kvinslendan suvipäivnouzmaižes čogas. Lidnan istorine da azjaline keskuz om ühtennimižen jogen luhtas, ezilidnad seištas Tünen valdmeren randal, Korallidenmeren Moreton-lahten kaikil randoil. Suren Brisbenan reljef om kukhikaz. Jäl'gmäine sur'vezi oli vl 2011. Uaivenho-vezivaradim (angl. Lake Wivenhoe) reguliruib Brisben-jogen tazopindad, om reskveden da elektrusen purtkeks, sijadase lodeheze lidnaspäi. Matkad Kanberrhasai om 945 km suvipäivlaskmha, Sidneihesai 732 km suvhe. Matkad keskusespäi Tünen valdmeren randhasai om 15 km pohjoižpäivnouzmha.

Klimat om subtropine valdmeren. Vilukun da uhokun lämuz om +25 C°, heinkun — +15 C°. Voden keskmäine lämuz om +20,4 C°. Paneb sadegid 1020 mm vodes, enamba tal'vkus-uhokus.

Transport[redaktiruida | redaktiruida purde]

Avtobusad, ehtatimed da ezilidnoiden raudted oma kundaližeks transportaks lidnas.

Rahvahidenkeskeine civiline lendimport (BNE) sijadase 15 km päivnouzmha lidnan keskusespäi valdmeren randal, Brisben-jogensun hural randal, valdmeriportad vaste. Lendimed tehtas reisid Valdmerimaidme, Suvipäivnouzmaižen da Päivnouzmaižen Azijan lidnoihe, Kanadan i AÜV:oiden päivlaskmha, mugažo Avstralijadme. Kiruhraudte ühtenzoitab lendimportad Brisbenanke da läheliženke (60 km suvhe) Gold Kost-lidnanke štatan röunanno.

Irdkosketused[redaktiruida | redaktiruida purde]



Avstralijan štatad da territorijad i niiden administrativižed keskused
Štatad Kvinslend (Brisben) | Päivlaskmaine Avstralii (Pert) | Suviavstralii (Adelaid) | Tasmanii (Hobart) | Uz' Suviuel's (Sidnei) | Viktorii (Mel'burn)
Territorijad Avstralijan pälidnan territorii (Kanberr) | Pohjoine territorii (Darvin)
Wiki letter w.svg Nece kirjutuz om vaiše ezitegez. Tö voit abutada meile, ku kohendat sidä da ližadat sihe.