Darvin (lidn)

Darvin
Darwin

Lidnanznam
Valdkund	Avstralii
Eläjiden lugu (2016)	145,916 ristitud
Pind	112,01 km²
Pämez'	Kon Vatskalis (sügüz'ku 2017—)
Telefonkod	+61−8
Aigvö	UTC+9:30

Darvin jagase nelläks administrativižeks ümbrikoks.

Darvin (angl.: Darwin, sijaline virkand: [ˈdɑːrwᵻn]) om lidn Avstralijan pohjoižes. Se om Pohjoižen territorijan pälidn da kaikiš suremb lidn.

Enzne

Amuižiš aigoišpäi lidnan tahond seižui Avstralijan aborigenoiden torguindteil, vedihe tavaroid Suvipäivlaskmaižes Azijaspäi kaikedme kontinentadme. Eländpunktan aluz om pandud evropalaižil vl 1869 kuti Palmerston-meriport. Se nimitase nügüdläižikš vspäi 1911 Čarl'z Darvinan oiktastuseks.

Darvinan ižandusen päsarakod oma samižtegimišt (kivivoi da londuseline gaz šel'fal, urankivend, kuld, cink, marganc, boksitad), turizm, tatanmaižiden da AÜV:oiden sodavägiden holituz.

Geografijan andmused

Lidn sijadase Timoran meren lapakol randal. Alištub lujile tropižile ciklonile (tal'vku-keväz'ku), kova tullei tegi lujid murendusid vozil 1897, 1937, 1974. Vspäi 2003 raudte ühtenzoitab lidnad Adelaidanke. Matkad Kanberhasai om 3137 km suvipäivnouzmha orhal.

Eläjad

Vl 2010 eläjiden lugu oli 127 532 ristitud. Kaikiš suremb ristitišt om nügüd'. Palmerston-kaimdailidnan aluz om pandud vl 1981 jügedan klimatan tagut mererandištol, nece kaimdailidn sijadase 20 km suvhe Darvinaspäi.

Edeline lidnan pämez' oli Katrina Fong Lim (2012−2017).

Irdkosketused

• Lidnan tobmuden oficialine sait (darwin.nt.gov.au). (angl.)