Sidnei

Sidnei
Sydney
	Lidnanznam;
Valdkund	Avstralii
Eläjiden lugu (2015)	4,921,000 ristitud
Pind	12,367,7 km²
Pämez'	eile olmas
Telefonkod	+61−2
Aigvö	tal'vel UTC+10,; kezal UTC+11

Sidnei (angl.: Sydney, virktas ['sidni]) om Avstralijan Uz' Suviuel's-štatan pälidn. Se om Avstralijan jenaral-gubernatoran i päministran toine olendsija Kanberale ližaks.

Lidn om valdkundan finansiž-kommertine keskuz, Avstralijan KSP:n nelländest tehtas siš. Avstralijan birž (ASX) i Rezervbank sijadasoiš lidnas.

Istorii[redaktiruida | redaktiruida purde]

Vl 1788 vilukun 26. päiväl lidnan aluz om pandud. Nece om ezmäine pandud evropalaižil eländpunkt Avstralijas. Lidn om nimitadud Sidnei-lordan oiktastuseks, hän oli Suren Britanijan kolonijoiden ministran sil aigal.

Vl 2000 Sidnei vastsi Kezaližid Olimpižid vändoid.

Geografijan andmused[redaktiruida | redaktiruida purde]

Sidnei seižub Tünen valdmeren suvipäivlaskmaižel randal, kahten lahten randpolil: Port-Džekson-laht (pohjoižemb) da Botanine laht (suvemb). Lidnfartaliden pind om 1687 nellikkilometrad.

Klimat om valdmeren subtropine neps. Paneb sadegid 1212 mm vodes, enamba voden ezmäižes poles. Manrehkaidused da luja ragiž oleldas lidnas.

Lidn jagase 38 ümbrikoks, kaikuččes ičeze pämez' om.

Eläjad[redaktiruida | redaktiruida purde]

Vn 2011 rahvahanlugemižen mödhe eläjiden lugu oli 4 627 345 ristitud, heišpäi 42,5% oma sündnuded verhiže maihe.

Religijan mödhe (vl 2006) 50,5% oma hristanuskojad (katolikad da anglikanilaižed tobjimalaz), 14,1% — religijatomad, 10,4% — religijan ozutandata, 4,4% — islaman uskojad, 3,7% — buddizman polenpidajad, 1,7% — induizman uskojad, 0,9% — judaizman uskojad.

Transport[redaktiruida | redaktiruida purde]

Elektrojonused, avtobusad, taksid da ehtatimed oma kundaližeks transportaks lidnan südäimes. Metro om sauvomižes, sen 65 km ted radaškatas kahtel haškul, vozil 2019 i 2024. Monorel's 3,6 km pitte radoi vozil 1988-2013, demontiruihe sidä.

Kahesa kiruhted augotase lidnas i lähttas radialižikš, 110-kilometrine ümbärte ühtenzoitab niid (angl. Sydney Orbital Network). Rahvahidenkeskeine civiline Kingsford-Smitan nimel nimitadud Sidnei-lendimport (SYD) om kaikiš suremb valdkundas, sijadase 8 km suvhe lidnan keskusespäi Botanižen lahten pohjoižrandal. Sišpäi tehtas reisid Azijan lähižihe maihe, Udhe Zelandijha, AÜV:oihe da Sur'he Britanijha, mugažo Avstralijadme.

Sebruzlidnad[redaktiruida | redaktiruida purde]

Sidneil om kuz' sebruzlidnad^[1]:

Italii Florencii, Italii
Kitai Guančžou, Kitai
Japonii Nagoi, Japonii
Sur' Britanii Portsmut, Sur' Britanii
AÜV San Francisko, Kalifornii, AÜV
Uz' Zelandii Vellington, Uz' Zelandii

Homaičendad[redaktiruida | redaktiruida purde]

↑ Sister City Program (Sebruzlidnoiden program). — Cityofsydney.nsw.gov.au. (angl.)

Irdkosketused[redaktiruida | redaktiruida purde]

Sidnei-lidnan oficialine sait (cityofsydney.nsw.gov.au). (angl.)

Sidnei Vikiaitas

	Avstralijan štatad da territorijad i niiden administrativižed keskused
	Štatad	Kvinslend (Brisben) \| Päivlaskmaine Avstralii (Pert) \| Suviavstralii (Adelaid) \| Tasmanii (Hobart) \| Uz' Suviuel's (Sidnei) \| Viktorii (Mel'burn)
	Territorijad	Avstralijan pälidnan territorii (Kanber) \| Džervis Bei territorii (Džervis Bei)\| Pohjoine territorii (Darvin)

[1] Sister City Program (Sebruzlidnoiden program). — Cityofsydney.nsw.gov.au. (angl.)

[1]