Eskišehir

Eskišehir
Eskişehir
Valdkund	Turkanma
Eläjiden lugu (2016)	844,842 ristitud
Pämez'	Il'maz Büjükeršen; (sulaku 1999—,; Yılmaz Büyükerşen)
Telefonkod	+90−222
Aigvö	tal'vel UTC+2,; kezal UTC+3

Eskišehir (turk.: Eskişehir [esˈciʃehiɾ] «vanh lidn») om lidn Turkanman päivlaskmaižes palas. Se om Eskišehiran agjan administrativine keskuz da päpala.

Istorii

Amuine Dorilei-eländpunkt (grek.: Δορύλαιον Dorilaion) oli olmas nügüdläižen lidnan sijas.

Eskišehir šingotase neniden produktoiden pästandal: jüguavtod, raudtevedimed, sodaaviacijan likutimed, maižanduzmašiništ, tekstil', savičud, cement, himižed substancijad, kodikalud i kodielektronik (Arçelik), söndtavarod (konditerižed päpaloin i saharantegim).

Geografijan andmused

Lidn sijadase agjan lodehes, Porsuk-jogen keskjoksmusen randoil (turk.: Porsuk Çayı 436 km pitte), 763 m ü.m.t. keskmäižel korktusel.

Matkad Ankarhasai om 250 km päivnouzmha, Stambulhasai — 350 km lodeheze. Lähembaine sur' lidn om Kütahj ühesakümnes kilometras suvipäivlaskmha.

Eläjad

Vl 2020 agjan ristitišt oli 888 828 eläjad 13 925 km² pindal. Agjan kaks' rajonad 14:späi ottas läz kaiked ristitištod: Odunpazari i Tepebaši.

Anatolijan universitet^[1] baziruiše Eskišehiras (turk.: Anadolu Üniversitesi, 21 tuh. üläopenikoid vl 2021 i läz 1 mln stacionaratomas palakundas), se om sätud nellän opendusen aluzkundan ühtištusel vl 1982. Sen ližaks, kaks' tošt universitetad ratas lidnas.