Kirillovan rajon

Kirillovan rajon
Кирилловский район
Znam;	Flag;
Valdkund	Venäma
Administrativine keskuz	Kirillov
Eläjiden lugu (2015)	15,223 ristitud
Pind	5,400 km²

Kirillovan rajon (ven.: Кирилловский район) om rajon Vologdan agjas.

Administrativine keskuz om Kirillov-lidn (rajonan ristitišton pol').

Istorii[vajehta | vajehtada lähte]

Rajonan aluz om pandud vl 1927 elokun 1. päiväl Leningradan agjan Čerepovecan ümbrikos.

Geografijan andmused[vajehta | vajehtada lähte]

Kirillovan rajon om Vologdan agjan lodehline taho. Pind — 5 400 km². Sen piduz pohjoižespäi suvhe — 143 km, päivlaskmaspäi päivnouzmha — 56 km.

Röunatab:

päivnouzmas Vologdan agjan Vožegan rajonanke, Kubenansun rajonanke da Vologdan rajonanke;
suves Vologdan agjan Šeksnan rajonanke da Čerepovecan rajonanke;
päivlaskmas Vologdan agjan Belozerskan rajonanke da Vaškiden rajonanke;
lodehes Vologdan agjan Vitegran rajonanke;
pohjoižes Arhangel'skan agjan Kargopolin rajonanke.

Kaikiš surembad vezištod oma Vaugedjärv, Vože-järv da Šeksnan vezivaradim, kaik ned mülüdas rajonha vaiše paloin. Mec otab kaks' koumandest rajonan territorijad.

Vs 2015 kezakun 26. päiväspäi rajonan territorii alajagase 6 küläkundha da 1 lidnkundha (Kirillov-lidn).

Tobmuz[vajehta | vajehtada lähte]

Vspäi 2008 Sergei Usov om rajonan pämez'. Hän-žo om rajonan parlamentan — Ezitajiden Suiman — ezimez' (19 ezitajad).

Sil-žo vodelpäi Vladimir Šačin om rajonan administracijan pämez' (22 pämest).

Vspäi 2012 Kundaline Nevondkund (ven.: Общественный Совет) radab rajonas (14 ühtnijad).

Eläjad[vajehta | vajehtada lähte]

Kaik om 478 eländpunktad rajonas.

Ižanduz[vajehta | vajehtada lähte]

Rajonan ižandusen päsarakod oma turizm, mecan ümbriradmine da sömtegimišt.

Homaičendad[vajehta | vajehtada lähte]

Irdkosketused[vajehta | vajehtada lähte]

Kirillovan rajonan administracijan oficialine sait (kirillov-adm.ru). (ven.)
Tedod Vologdan agjan oficialižes vologda-oblast.ru-saitalpäi. (ven.) (angl.)