Pavlovsk (Piter)

Pavlovsk
Павловск
Lidnanznam;	Flag;
Valdkund	Venäma
Eläjiden lugu (2023)	17,775 ristitud
Pind	36,79 km²
Pämez'	Valerii Zibarev; (2000—,; Валерий Зибарев)
Telefonkod	+7−812-xxx-xx-xx
Avtokod	78, 98, 178, 198
Aigvö	UTC+3 (MSK+0)

Sil sanal voib olda toižid znamoičendoid; miše nähta niid, tulgat tänna.

Pavlovsk (ven.: Па́вловск, suom.: Pauluskoi / Pavlovsk) om Venäman lidn federacijan Piter-subjektan administrativižiden röunoiden südäimes. Se mülüb Puškinan rajonha.

Istorii

Nügüdläižen eländpunktan aluz om pandud vl 1777 kuti Pavlovskoje-žilo (ven.: Павловское село), konz Jekaterina II lahjoiči sidä mad ičeze poigale, tulijale Pavel-imperatorale. Žilo sai lidnan statusad vl 1796 Pavlovsk-nimenke. Vozil 1918−1944 lidnan nimi oli Sluck (Vera Sluckaja-revolücionernaižen kanzannimen mödhe).

Pavlovsk šingotase turizmal (pol'tošt millionad ristituid vodes), nahkgalanterejan fabrikal^[1] (sumkad da aksessuarad) i kahtel tipografijal.

Geografijan andmused

Lidn sijadase Slavänk-jogen randoil, Nevan alangišton hural randpolel. Matkad Piterin rengazavtotehesai om läz 15 km pohjoižhe. Pavlovsk röunatab Puškin-lidnanke lodehes. Pavlovskan puišt (kuz' nellikkilometrad) otab lidnan pohjoižpäivnouzmpol't.

Pavlovsk-raudtestancii sijadase Puškin-lidnan röunal. Raudtesarak om Pavlovskan jäl'ghe, i tulijad Piterišpäi jonused ajadas Suren Uz'lidnan vai Vitebskan raudteidme. Matkad Pavlovsk-raudtestancijaspäi Vitebskan päraudtestancijhasai om 25 km pohjoižhe.

Tobmuz

Municipaližen ühtnikan pämez' om Pavlovsk-lidnan Municipaližen nevondkundan ezimez'. Lidnan Sijaližen administracijan pämez' om Alla Kozlova vn 2019 redukuspäi. Edeline administracijan pämez' om Mihail Sizrancev (Михаил Сызранцев), radoi edel vn 2019 redukud.

Eläjad

Vn 2010 Venäman rahvahanlugemižen mödhe lidnan eläjiden lugu oli 16 087 ristitud. Kaik 16 792 eläjad oli lidnas vl 2017. Kaikiš suremb lidnan ristitišt oli 23 tuhad eläjid vl 1935 i 24..25 tuhad eläjid vll 1979−1998 (25 500 rist. vl 1989), sid' vajehtihe lidnan röunoid.

Ortodoksižen hristanuskondan seičeme pühäpertid^[2] oma letud lidnas: ph. Mikulai-čudonsädajan päjumalanpert', nell' jumalanpertid i kaks' časounäd. Lüteranine pühäpert' om saudud.

Regionidenkeskeine reabilitacine keskuz (kolledž) personoiden täht kulemižen problemoidenke^[3] om lidnan professionaližen opendusen aluzkundaks.

Galerei

Pavlovskan pert'kulu (2013)
Ph. Mikulai-čudonsädajan päjumalanpert', vn 2011 nägu
Mariental'-puišt vl 2014
BIP-lidnuz (2014)
Pavlovsk-päraudtestancijan sauvuz vl 2013

Homaičendad

Irdkosketused

Municipaližen ühtnikan tobmuden oficialine sait (mo-pavlovsk.ru). (ven.)

Pavlovsk (Piter) Vikiaitas

[1] Pavlovskan nahkgalanterejan fabrikan sait (fabrika-pkf.ru). (angl.)

[2] Pavlovskan pühäpertid sobory.ru-saital. (ven.)

[3] Regionidenkeskeižen keskusen (kolledžan) sait (mcr.spb.ru). (ven.)

[1]

[2]

[3]

L • D • R Piter
Rajonad:	Admiralteiskii \| Frunzen \| Kalininan \| Keskuzrajon \| Kirovan \| Kolpinon \| Krasnogvardeiskii \| Krasnosel'skii \| Kronštadtan \| Kurortan \| Merenrandaine \| Moskvan \| Nevan \| Petrodvorecan \| Petrogradan \| Puškinan \| Vasileostrovskii \| Viipurin
Lidnad:	Kolpino \| Krasnoje Selo \| Kronštadt \| Lomonosov \| Pavlovsk \| Petergof \| Puškin \| Sestroreck \| Zelenogorsk