Semiluki

Vikipedii
Mine navigeerimisribale Mine otsikasti
Semiluki
Семилуки
 Lidnanznam
Coat of arms of Semiluki (2008).gif
 Flag
Flag of Semiluki (Voronezh oblast).png
Valdkund Venäma
Eläjiden lugu (2018-01-01) 26,732 ristitud
Pind 16,04 km²
Semiluki Семилуки
Pämez' Sergei Maršavin
(tal'vku 2013—)
Telefonkod +7-47 372-xx-xxx
Avtokod 36, 136
Aigvö UTC+3 (MSK+0)


Semiluki (ven.: Семилу́ки) om Venäman lidn da lidnankund Voronežan agjan lodehes. Se om Semilukin rajonan administrativine keskuz da pala.

Istorii[redaktiruida | redaktiruida purde]

Arheologad löutihe ristitun amuižid seižutesid i 16.-17. voz'sadan lidneihuzid lidnan ümbrištos. «Voronež — Kursk»-raudten Semiluki-seižutezpunkt om saudud vl 1894, nimitihe lähižen žilon mödhe. Semiluki-žilo om olmas nügüd'-ki ani lidnan pohjoižen röunan taga, sen nimituz libub Donan seičemes känmaspäi (ven. семь лук) läheližes tahondas.

Nügüdläižen eländpunktan aluz om pandud seižutezpunktas ümbri vll 1926−1932 kuti Semiluki-radnikžilo rajonankeskusen statusanke, 1932. voz' om alusenpanendan oficialine. Sai lidnan statusad vn 1954 18. päiväl kül'mkud.

Semiluki šingotase sauvondmaterialiden pästandal (lämoinvastaižed tegesed, sauvondmaterialiden kombinat), mugažo sömkombinat i meblin edheotand ratas lidnas.

Geografijan andmused[redaktiruida | redaktiruida purde]

Lidn sijadase rajonan suvipäivnouzmaižel röunal, vedase 10 km pidust' Don-jogen oiktad randad, 130 m ü.m.t. keskmäižel korktusel. Devic-jogi (ven.: Деви́ца 89 km pitte) lankteb Donha lidnan suvipalas. Agjan Voronež-keskuz om ühtes kilometras päivnouzmha Donan vastrandal. Semiluki ühtenzoitase senke kahtel avtotesildal Donas päliči pohjoižes i suves, raudtesild tuleb lidnan keskuzpalaha. Semiluki-seižutezpunkt radab lidnan keskuzpalas.

Semiluki om lidnankundan üks'jäine eländpunkt. Lidnankundan pind — 16,04 km².

Eläjad[redaktiruida | redaktiruida purde]

Vl 1939 žilon ristitišt oli 7 300 eläjad. Vn 2010 Venäman rahvahanlugemižen mödhe lidnan eläjiden lugu oli 26 023 ristitud, rajonan kaks' videndest. Kaikiš suremb lidnan ristitišt om 25..26 tuhad eläjid vll 2002−2003 i vspäi 2010 (26 797 rist. vl 2017). Ortodoksižen hristanuskondan koume jumalanpertid i časoun'[1] oma olmas lidnas.

Rahvahad (2010): venälaižed — 97,3%, ukrainalaižed — 1,0%, toižed rahvahad — 1,7%.

Professionaližen opendusen aluzkund om Semilukin politehnine kolledž.[2]

Galerei[redaktiruida | redaktiruida purde]

Homaičendad[redaktiruida | redaktiruida purde]

  1. Semilukin pühäpertid sobory.ru-saital. (ven.)
  2. Semilukin politehnižen kolledžan sait (wp.sgtek.ru). (ven.)

Irdkosketused[redaktiruida | redaktiruida purde]



Voronežan agjan lidnad
Bobrov | Bogučar | Borisoglebsk | Buturlinovk | Ertil' | Kalač | Liski | Novohopörsk | Novovoronež | Ostrogožsk | Pavlovsk | Povorino | Rossoš | Semiluki | Voronež