Liski

Liski
Лиски
Lidnanznam;	Flag;
Valdkund	Venäma
Eläjiden lugu (2018-01-01)	53,897 ristitud
Pind	63 km²
Pämez'	Eduard Korišev; (viluku 2014—)
Telefonkod	+7−47 391-xx-xxx
Avtokod	36, 136
Aigvö	UTC+3 (MSK+0)

Liski (ven.: Ли́ски) om Venäman lidn, lidnankund da raudtesol'm Voronežan agjan päivlaskmas. Se om agjan nellänz' lidn eläjiden lugun mödhe, Liskin rajonan administrativine keskuz.

Istorii[redaktiruida | redaktiruida purde]

Eländpunktan aluz om pandud vl 1787 kuti Uz' Pokrovk-žilo (ven.: село Новая Покровка) Bogatii Zaton-varjoičendpostan sijas (oli tetab vspäi 1571). Vl 1870 saudihe Liski-raustestancijad da žilod senno, nimitihe amuižen Liski-žilon (ven.: Лиски, Лыски, om kaičenus tähäsai) mödhe Donan vastrandal, melkukhad mecata oma siš. Ühtenzoittihe stancijad i žilod Svobod-radnikžiloks (ven.: Свобода «joudjuz») vl 1928 rajonkeskusen statusanke. Se sai lidnan statusad vl 1937. Toižen mail'man sodan aigan lidn ei olend okkupiruidud nacistoil, no heiden sodaväged oliba Donan vastrandal. Vl 1943 udesnimitihe lidnad nügüdläižikš. Vll 1965−1991 sen nimi oli Georgiu-Dež.

Liski šingotase metallanümbriradmižel (torvveimiden palad, rezervuarad i metalližkonstrukcijad) sauvondmaterialiden pästandal (savič, betonšpalad, raudbetontegesed, silikatblok), sömtegimištol (saharan edheotand, maidtegim, pühävoitegim). Raudten edheotandad i jügujogiport ratas lidnas, mugažo kaikiš järedamb Evropas sömän živatoiden täht tegim om olmas.

Geografijan andmused[redaktiruida | redaktiruida purde]

Lidn sijadase rajonan keskuzpalan suvipäivlaskmas, Don-jogen hural randal, 110 m ü.m.t. keskmäižel korktusel. Matkad Voronežhasai om 77 km pohjoižhe orhal, 107 km avtotel vai raudtel. Lähembaižed lidnad oma Bobrov 39 km pohjoižpäivnouzmha orhal, 49 km avtotedme vai raudtedme, i Ostrogožsk 32 km suvipäivlaskmha orhal, 57 km avtotedme vai 40 km raudtedme. Liski-raudtestancii radab lidnan päivlaskmaižes palas «Voronež — Rossoš»-keskustal. Kaik 13 tošt stancijad da platformad oma raudteil lidnas da sen ezilidnas.

Kalač-futor (295 rist. vl 2016) mülüb lidnankundha Liskin ližaks. Lidnankundan pind — 64,77 km².

Eläjad[redaktiruida | redaktiruida purde]

Vl 1939 lidnan ristitišt oli 25 500 eläjad. Vn 2010 Venäman rahvahanlugemižen mödhe lidnan eläjiden lugu oli 55 864 ristitud, lidnankundan — 56 166 ristitud, rajonan viž ühesandest. Kaikiš suremb lidnan ristitišt om 52..56 tuhad eläjid vspäi 1976 (56 500 rist. vl 1998). Vl 2018 kaik 54 195 ristitud elihe lidnankundas. Ortodoksižen hristanuskondan päjumalanpert' i koume jumalanpertid^[1] oma olmas lidnas.

Rahvahad (2010): venälaižed — 95,9%, ukrainalaižed — 1,1%, armenijalaižed — 0,8%, toižed rahvahad — 1,8%, rahvahuden ozutandata — 0,4%.

Professionaližen opendusen aluzkundad oma Liskin tehmištoliž-transportine tehnikum^[2] i Liskin agrariž-tehnologine tehnikum^[3].

Galerei[redaktiruida | redaktiruida purde]

Lidnan da rajonan tobmuden sauvused
Jumalanmaman Vladimiran jumalaižen päjumalanpert'
(om saudud vll 2003−2011)
Kul'turkeskuz vl 2013
Raudtestancii

Homaičendad[redaktiruida | redaktiruida purde]

Irdkosketused[redaktiruida | redaktiruida purde]

Lidnankundan tobmuden aluzkundoiden sait (adminliski.ru). (ven.)

Liski Vikiaitas

	Voronežan agjan lidnad
	Bobrov \| Bogučar \| Borisoglebsk \| Buturlinovk \| Ertil' \| Kalač \| Liski \| Novohopörsk \| Novovoronež \| Ostrogožsk \| Pavlovsk \| Povorino \| Rossoš \| Semiluki \| Voronež

[1] Liskin pühäpertid sobory.ru-saital. (ven.)

[2] Liskin tehmištoliž-transportižen tehnikuman sait (lptt.ru). (ven.)

[3] Liskin agrariž-tehnologižen tehnikuman sait (latt36.ru). (ven.)

[1]

[2]

[3]