Novohopörsk

Novohopörsk
Новохопёрск

Lidnanznam	Flag
Valdkund	Venäma
Eläjiden lugu (2025)	5,488 ristitud
Pind	14 km²
Pämez'	Murat Šamajev (sulaku 2023—)
Telefonkod	+7−47 353-xx-xxx
Avtokod	36, 136
Aigvö	UTC+3 (MSK+0)

Novohopörsk (ven.: Новохопёрск) om Venäman lidn da lidnankund Voronežan agjan päivnouzmas. Se om Novohopörskan rajonan administrativine keskuz da pala.

Istorii

Pristanskii-lidnuden aluz oli pandud kozakištol 17. voz'sadan kahtendes polespäi. Se oli polttud vl 1709 Petr I-carin käskön mödhe toižiden mugoižiden lidnuziden kartte ühtnendas vasthalibundoiš taguiči. Nügüdläižen eländpunktan aluz om pandud mugažo Petr I-carin käskön mödhe vl 1710 kuti jogivaldmad, verf' i maine lidnuz kaičemha ümbrištod. Žilo sai makundan lidnan statusad vl 1779. «Liski — Povorino»-raudtekeskust mäneb ühtes kilometras suvhe lidnaspäi vspäi 1895.

Novohopörsk šingotase sömtegimištol (voitegim) i mecanümbriradajal kombinatal.

Geografijan andmused

Novohopörskan rajonan sijaduz agjas vn 2010 kartal

Lidn sijadase rajonan päivnouzmas, Hopr-jogen oiktal randal (ven.: Хопёр, Don-jogen hura ližajogi), 50..70 m korktusil jogen pindan päl, 140 m ü.m.t. keskmäižel korktusel.

Matkad Volgogradan agjhasai om kaks'toštkümne kilometrad päivnouzmha orhal. Matkad Voronežhasai om 178 km päivlaskmha-lodeheze orhal vai 212 km avtotel. Lähembaižed lidnad oma Borisoglebsk 44 km pohjoižpäivnouzmha orhal vai 69 km avtotel, Povorino 45 km lodeheze-päivnouzmha-pohjoižpäivnouzmha orhal vai 52 km avtotedme, i Urüpinsk (Volgogradan agj) 43 km suvipäivnouzmha orhal vai 105 km avtotedme.

Tobmuz

Nened 17 eländpunktad mülüdas lidnankundha Novohopörskan ližaks: lidnanvuitte Novohopörskii-žilo (7 686 rist. vl 2018) Novohopörsk-raudtestancijanke koumes kilometras päivlaskmha-suvipäivlaskmha lidnaspäi, 12 žilod, külä, raudtestancii i kaks' futorad. Lidnankundan pind — 599,7 km².

Lidnankundan tobmuden pämez' om sen Administracijan pämez', edel vn 2018 uhokud nevondkundan ezimez' oli lidnankundan pämehen. Edeližed lidnan Administracijan pämehed oma Dmitrii Ševela (uhoku 2023 — sulaku 2024), Vladimir Spesivcev (keväz'ku 2018 — uhoku 2023), Aleksandr Kalašnikov (tal'vku 2015 — uhoku 2018). Lidnan Rahvahandeputatoiden nevondkundan ezimez' om Ol'ga Dükova vn 2022 tal'vkuspäi. Edeližed lidnan nevondkundan ezimehed oma Vladimir Šapovalov (keväz'ku 2018 — tal'vku 2022), Vladimir Spesivcev (tal'vku 2017 — keväz'ku 2018), Petr Tolmačev (radoi vn 2017 tal'vkuhusai).

Eläjad

Vl 1939 lidnan ristitišt oli 8 500 eläjad. Vn 2010 Venäman rahvahanlugemižen mödhe lidnan eläjiden lugu oli 6 849 ristitud, rajonan seičemendez, lidnankundan — 7 177 ristitud, i 17 638 ristitud vl 2012 ühtištusen jäl'ghe lähižidenke kundoidenke, rajonan nell' ühesandest, vn 2021 lidnan — 5 948 ristitud. Kaik 6 188 ristitud elihe lidnas i 17 016 ristitud kaikes lidnankundas vl 2017. Kaikiš suremb lidnan ristitišt oli enamba kahesad tuhad eläjid vll 1939−1998 (8 900 rist. vl 1959).

Rahvahad (2010): venälaižed — 97,8 %, toižed rahvahad — 2,2 %.

Ortodoksižen hristanuskondan nell' pühäpertid oma saudud lidnas: Sündun Eläbzdusen päjumalanpert', kaks' jumalanpertid i časoun'.

Lapsiden opendusen aluzkundad oma päivkodid, Novohopörskan aluzškol, keskškol (nomer 2), gimnazii (nomer 1), lapsiden ližaopendusen «Principium»-keskuz, čomamahtoiden škol, lapsiden da norišton sportškol. Novohopörskan agrariž-ekonomine tehnikum om lidnan professionaližen opendusen aluzkundaks.

Galerei

• 
  Rajonan tobmuden pert' (2016)
• 
  Sündun Eläbzdusen päjumalanpert', vn 2016 nägu (om saudud vll 1861−1865)
• 
  Rajonan läžundkodin päine sauvuz vl 2016
• 
  Lidnan stadion (2012)
• 
  Kodirandantedištandmuzei vl 2014

Irdkosketused

• Lidnankundan tobmuden aluzkundoiden sait (novoxopersk-r36.gosuslugi.ru). (ven.)