Kalač (lidn)

Vikipedii
Mine navigeerimisribale Mine otsikasti
Kalač
Калач
 Lidnanznam
Coat of Arms of Kalach.png
 Flag
Flag of Kalach (Voronezh oblast).png
Valdkund Venäma
Eläjiden lugu (2018-01-01) 18,834 ristitud
Pind 20 km²
Kalač Калач
Pämez' Aleksandr Troščenko
(sügüz'ku 2013—)
Telefonkod +7-47 363-xx-xxx
Avtokod 36, 136
Aigvö UTC+3 (MSK+0)


Kalač (ven.: Кала́ч) om Venäman lidn da lidnankund Voronežan agjan suvipäivnouzmas. Se om Kalačun rajonan administrativine keskuz, mülüb sihe.

Istorii[redaktiruida | redaktiruida purde]

Eländpunktan aluz om pandud sirdanuzil ukrainalaižil i Ostrogožskan kozakištol vl 1716 kuti Kalač-slabad Voronežan kancelärijan käskön mödhe. Raudte tuli slabadha vl 1896, i se sai torguindznamoičendad. Rahvahanikoiden sodan aigan kovad torad mäniba Kalačus da sen ümbrištos. Slabad kändihe rajonan keskuseks vn 1928 heinkus. Žilo sai lidnan statusad vn 1945 10. päiväl vilukud. Vl 1960 agjan kaikiš järedamb villänelevator radaškanzi.

Kalač šingotase sauvondmaterialiden tegimel, sömtegimištol (sahartegim, sagudtegim, sömkombinat, leibänproduktoiden kombinat). Ende melan samine oli lidnas.

Geografijan andmused[redaktiruida | redaktiruida purde]

Lidn sijadase rajonan keskuzpalas, Tolučejevk-jogen molembil randoil (ven.: Толучеевка 142 km pitte, Don-jogen hura ližajogi), 90 m ü.m.t. keskmäižel korktusel. Podgornai-jogi (ven. Подгорная 68 km pitte) lankteb Tolučejevkha huralpäi lidnan suves. Matkad Voronežhasai om 188 km lodeheze orhal, 229 km avtotel vai 280 km raudtel. Lähembaižed lidnad oma Bogučar 64 km suvhe-suvipäivlaskmha orhal vai 75 km avtotedme, Pavlovsk 62 km päivlaskmha orhal, 66 km avtotedme vai 113 km raudtedme, i Buturlinovk 54 km lodeheze orhal vai raudtedme, 61 km avtotedme. Kalač-raudtestancii radab lidnas, se om 94-kilometrižen sarakon lopstancijaks «LiskiPovorino»-keskustaspäi.

Kaik seičeme futorad mülüdas lidnankundha Kalačun ližaks: Garan'kin, Grinöv, Krutoi, Nikolenkov, Ribkin, Sereženkov, Zalesnii. Lidnankundan pind — 127,74 km².

Eläjad[redaktiruida | redaktiruida purde]

Vl 1897 kaik 15 500 ristitud elihe slabadas, vl 1939 žilon ristitišt oli 18 600 eläjad. Vn 2010 Venäman rahvahanlugemižen mödhe lidnan eläjiden lugu oli 20 046 ristitud, lidnankundan — 20 661 ristitud, rajonan koume kahesandest. Kaikiš suremb lidnan ristitišt oli 22..23 tuhad eläjid vll 1989−1998 (23 183 rist. vl 1989). Vl 2018 kaik 19 376 ristitud elihe lidnankundas. Ortodoksižen hristanuskondan nell' jumalanpertid[1] oma olmas lidnas.

Rahvahad (2010): venälaižed — 97,8%, toižed rahvahad — 2,2%.

Professionaližen opendusen aluzkund om Kalačun agrarine tehnikum.[2]

Homaičendad[redaktiruida | redaktiruida purde]

  1. Kalačun pühäpertid sobory.ru-saital. (ven.)
  2. Kalačun agrarižen tehnikuman sait (katvrn.ru). (ven.)

Irdkosketused[redaktiruida | redaktiruida purde]



Voronežan agjan lidnad
Bobrov | Bogučar | Borisoglebsk | Buturlinovk | Ertil' | Kalač | Liski | Novohopörsk | Novovoronež | Ostrogožsk | Pavlovsk | Povorino | Rossoš | Semiluki | Voronež