Buturlinovk

Vikipedii
Mine navigeerimisribale Mine otsikasti
Buturlinovk
Бутурлиновка
 Lidnanznam
Coat of Arms of Buturlinovka (Voronezh oblast).png
 Flag
Flag of Buturlinovskoe (Voronezh oblast).png
Valdkund Venäma
Eläjiden lugu (2018-01-01) 24,319 ristitud
Pind 37,72 km²
Buturlinovk Бутурлиновка
Pämez' Aleksandr Golovkov
(heinku 2018—)
Telefonkod +7-47 361-xx-xxx
Avtokod 36, 136
Aigvö UTC+3 (MSK+0)


Buturlinovk (ven.: Бутурли́новка) om Venäman lidn da lidnankund Voronežan agjan keskuzpalan päivnouzmas. Se om Buturlinovkan rajonan administrativine keskuz da pala.

Istorii[redaktiruida | redaktiruida purde]

Eländpunktan aluz om pandud vl 1740 kuti ukrainalaižiden slabad. Mainitase vn 1829 kartal Petrovskoje / Buturlinovk-nimitusidenke (ven.: Петровское, тожь Бутурлиновка), valdoičijan Buturlinov-rodun kanzannimen mödhe. Šingotihe nahksapkoiden tehmižel 19. voz'sadan keskespäi, tehtihe millionhasai paroid vodes da möihe kaikedme Venäman imperijadme. Slabad sai lidnan statusad vn 1917 17. päiväl heinkud. Vspäi 1993 sodaaviacijan polk baziruiše lidnan röunal.

Buturlinovk šingotase raudbetontegesiden edheotandal i sömtegimištol (leibproduktoiden kombinat, pühävoitegim, lihakombinat, spirttegim, likörvintegim). Om ümbärtud maižanduzrajonal (podsolnušnikan i villän kazvatand, lihamaidživatvodind).

Geografijan andmused[redaktiruida | redaktiruida purde]

Lidn sijadase rajonan keskuzpalas, Osered'-jogen üläjoksmusen hural randal tobjimalaz (ven.: Осере́дь / Осеред 89 km pitte, Don-jogen hura ližajogi), 120 m ü.m.t. keskmäižel korktusel. Matkad Voronežhasai om 133 km lodeheze orhal, 180 km avtotel vai 220 km raudtel. Lähembaižed lidnad oma Kalač 54 km suvipäivnouzmha orhal vai raudtedme, 61 km avtotedme, i Pavlovsk 52 km suvipäivlaskmha orhal, 56 km avtotedme vai 59 km raudtedme. Buturlinovk-raudtestancii radab lidnan päivnouzmas sarakol «PovorinoLiski»-keskustaspäi.

Kaik koume žilod mülüdas lidnankundha Buturlinovkan ližaks: Zemledelec, Kruglii, Otradnoje, niiden ühthine ristitišt oli 96 eläjad vl 2010. Lidnankundan pind — 135,8 km².

Eläjad[redaktiruida | redaktiruida purde]

Vl 1877 kaik 23 963 ristitud elihe slabadas, vl 1939 lidnan ristitišt oli 11 400 eläjad. Vn 2010 Venäman rahvahanlugemižen mödhe lidnan eläjiden lugu oli 27 208 ristitud, lidnankundan — 27 304 ristitud, rajonan viž ühesandest. Kaikiš suremb lidnan ristitišt oli 27 500 eläjad vl 1926 i 27..29 tuhad eläjid vll 1989−1998 (29 258 rist. vl 1989). Ortodoksižen hristanuskondan Spasan Toižetamižen päjumalanpert' (1885−1893) i koume jumalanpertid[1] oma olmas lidnas.

Rahvahad (2010): venälaižed — 97,3%, čiganalaižed — 1,1%, toižed rahvahad — 1,6%.

Professionaližen opendusen aluzkundad oma Buturlinovkan mehaniž-tehnologine kolledž[2], medicinine tehnikum i Gubernijan pedagogižen kolledžan filial.

Galerei[redaktiruida | redaktiruida purde]

Homaičendad[redaktiruida | redaktiruida purde]

  1. Buturlinovkan pühäpertid sobory.ru-saital. (ven.)
  2. Buturlinovkan mehaniž-tehnologižen kolledžan sait (бмтк.рф). (ven.)

Irdkosketused[redaktiruida | redaktiruida purde]



Voronežan agjan lidnad
Bobrov | Bogučar | Borisoglebsk | Buturlinovk | Ertil' | Kalač | Liski | Novohopörsk | Novovoronež | Ostrogožsk | Pavlovsk | Povorino | Rossoš | Semiluki | Voronež