Serdobsk

Vikipedii
Mine navigeerimisribale Mine otsikasti
Serdobsk
Сердобск
 Lidnanznam
Coat of Arms of Serdobsk (Penza oblast).png
 Flag
Flag of Serdobsk (Penza oblast).png
Valdkund Venäma
Eläjiden lugu (2018-01-01) 32,087 ristitud
Pind 28,42 km²
Serdobsk Сердобск
Pämez' Anatolii Kaišev
(sügüz'ku 2017—)
Telefonkod +7-84 167-xx-xxx
Avtokod 58
Aigvö UTC+3 (MSK+0)


Serdobsk (ven.: Сердо́бск) om Venäman lidn da lidnankund Penzan agjan suves. Se om Serdobskan rajonan administrativine keskuz.

Istorii[redaktiruida | redaktiruida purde]

Eländpunktan aluz om pandud Serdob-jogen molembil randoil vl 1698 kuti Serdobskai (Arhangel'skai)-slabad (ven.: Сердобская (Архангельская) слобода) varjoičemha ümbrišton mecad laivoiden täht Petr I-carin käskön mödhe. Se sai makundan lidnan statusad nügüdläiženke nimitusenke Jekaterina II-imperatornaižen käskön mödhe vs 1780 kül'mkun 7. päiväspäi. Lidn oli tetab diniden kazvatandal, ned kuvadasoiš Serdobskan simvolikš. Kaik 51 tegimišton edheotandad radoi lidnas edel Suren sodan zavodindad.

Serdobsk šingotase mašinansauvomižen tegimel (avtopalad «VAZ»-tegimen täht), sömtegimištol (maidvoitegim, sömkombinat, konditerine edheotand) i mebel'kombinatal.

Geografijan andmused[redaktiruida | redaktiruida purde]

Lidn sijadase rajonan keskuzpalas, Serdob-jogen oiktal randal (ven.: Сердоба 160 km pitte, Hopran üläjoksmusen hura ližajogi), 180 m ü.m.t. keskmäižel korktusel. Om toižid eländpunktoid jogen vastrandal. Matkad Penzhasai om 98 km pohjoižpäivnouzmha-pohjoižhe orhal, 113 km avtotel vai raudtel. Lähembaine lidn om Rtiščevo (Saratovan agj) 37 km suvipäivlaskmha orhal, 48 km avtotedme vai raudtedme.

«Penz — Balašov»-avtote ümbärdab lidnad pohjoižespäi. Serdobsk-raudtestancii radab vspäi 1894 lidnan päivlaskmas, «Penz — Balašov»-raudtekeskustal.

Serdobsk om lidnankundan üks'jäine eländpunkt. Lidnankundan pind — 28,42 km².

Eläjad[redaktiruida | redaktiruida purde]

Vl 1939 lidnan ristitišt oli 12 807 eläjad, vl 1959 — 26 119 eläjad. Vn 2010 Venäman rahvahanlugemižen mödhe lidnan eläjiden lugu oli 35 393 ristitud, rajonan kaks' koumandest. Kaikiš suremb lidnan ristitišt oli 40..44 tuhad eläjid vll 1980−2001 (44 900 rist. vl 1992). Ortodoksižen hristanuskondan ph. Mikoi-arhangelan uz' päjumalanpert'[1] (om saudud vll 1895−1905) i ph. Vladimiran jumalanpert' (2015) ratas lidnas.

Rahvahad (2010): venälaižed — 96,9%, toižed rahvahad — 3,1%.

Professionaližen opendusen aluzkundad oma Serdobskan äiprofil'ne tehnikum[2] (Serdobskan maižanduztehnikum om mülütadud sihe vl 2012), Penzan agjan medicinižen kolledžan filial i Penzan valdkundaližen universitetan filial.

Galerei[redaktiruida | redaktiruida purde]

Homaičendad[redaktiruida | redaktiruida purde]

  1. Serdobskan pühäpertid sobory.ru-saital. (ven.)
  2. Serdobskan äiprofil'žen tehnikuman sait (smt58.3dn.ru). (ven.)

Irdkosketused[redaktiruida | redaktiruida purde]



Penzan agjan lidnad
Alalomov | Belinskii | Gorodišče | Kamenk | Kuzneck | Nikol'sk | Penz | Serdobsk | Spassk | Sursk | Zarečnii