Nikol'sk (Penzan agj)

Vikipedii
Mine navigeerimisribale Mine otsikasti
Nikol'sk
Никольск
 Lidnanznam
Coat of Arms of Nikolsk (Penza oblast).png
 Flag
Flag of Nikolsk (Penza oblast).png
Valdkund Venäma
Eläjiden lugu (2018-01-01) 20 572 ristitud
Pind 12,69 km²
Nikol'sk Никольск
Pämez' Viktor Popkov
(semendku 2 012—)
Telefonkod +7-84 165-xx-xxx
Avtokod 58
Aigvö UTC+3 (MSK+0)


Disambig gray.svg Sil sanal voib olda toižid znamoičendoid; miše nähta niid, tulgat tänna.

Nikol'sk (ven.: Нико́льск, erz.: Никольск ош) om Venäman lidn da lidnankund Penzan agjan pohjoižpäivnouzmas. Se om Nikol'skan rajonan administrativine keskuz.

Istorii[redaktiruida | redaktiruida purde]

Eländpunktan aluz om pandud vl 1761 kuti Nikol'skai Pöstrovk-žilo (ven.: Никольская Пёстровка) kahtel žilon ühtenzoitusel: Nikol'skoje (Nikolo-Pöstrovk, oli tetab vspäi 1668) i Pöstrovk (Pen' Pöstrovk, 1680-nziš vozišpäi). Šingotihe hrustalin stökoltegimel (1764−2010). Vl 1928 kätihe radnikžiloks. Se sai lidnan statusad nügüdläiženke nimitusenke vn 1954 15. päiväl sulakud.

Nikol'sk šingotase vauktusentehnižen stöklan tegimel i sömtegimištol.

Geografijan andmused[redaktiruida | redaktiruida purde]

Lidn sijadase rajonan päivnouzmas, Virgan-jogen hural randal tobjimalaz (ven.: Вырган, Suran oigedpol'ne bassein ližajogi), 240 m ü.m.t. keskmäižel korktusel. Matkad Penzhasai om 92 km suvipäivlaskmha orhal vai 112 km avtotel. Lähembaine lidn om Inz (raudtestancii, Ul'janovskan agj) 24 km pohjoižpäivnouzmha orhal vai 51 km avtotedme. «Penz — Ul'janovsk»-avtote läbitab lidnan päivlaskmad. Kaidraižuine raudte Inzhasai om muretud lidnas 2000-nzil vozil.

Nikol'sk om lidnankundan üks'jäine eländpunkt. Lidnankundan pind — 12,69 km².

Eläjad[redaktiruida | redaktiruida purde]

Vl 1939 lidnan ristitišt oli 10 100 eläjad. Vn 2010 Venäman rahvahanlugemižen mödhe lidnan eläjiden lugu oli 22 471 ristitud, rajonan kaks' koumandest. Kaikiš suremb lidnan ristitišt oli 26..27 tuhad eläjid vll 1989−1998 (27 300 rist. vl 1992). Ortodoksižen hristanuskondan Sündun Eläbzdusen päjumalanpert' (1824, leibtegim radoi) om udessündutadud 2000-nzil vozil, Sündun Eläbzdusen no jumalanpert' om saudud vll 1999−2003, mugažo kaks' časounäd oma avaitud lidnas.

Rahvahad (2010): venälaižed — 88,5%, mordvinalaižed — 9,8%, toižed rahvahad — 1,7%.

Professionaližen opendusen aluzkundad oma Nikol'skan tehnologine kolledž.[1]

Homaičendad[redaktiruida | redaktiruida purde]

  1. Nikol'skan tehnologižen kolledžan sait (nik-ntk.ucoz.ru). (ven.)

Irdkosketused[redaktiruida | redaktiruida purde]



Penzan agjan lidnad
Alalomov | Belinskii | Gorodišče | Kamenk | Kuzneck | Nikol'sk | Penz | Serdobsk | Spassk | Sursk | Zarečnii