Stroitel' (lidn)

Vikipedii-späi
(Oigetud lehtpolelpäi Stroitel')
Stroitel'
Строитель
Valdkund Venäma
Eläjiden lugu (2019-01-01) 24,038 ristitud
Pind 33 km²
Stroitel' Строитель
Pämez' Vasilii Nesterov
(2003−2004, 2007−2010, semendku 2016—)
Telefonkod +7−47 244-xx-xxx
Avtokod 31
Aigvö UTC+3 (MSK+0)


Stroitel' (ven.: Строитель) om Venäman lidn da lidnankund Belgorodan agjan päivlaskmas. Se om Jakovlevon rajonan (vspäi 1965) administrativine keskuz.

Istorii[vajehta | vajehtada tekst]

Eländpunktan aluz om pandud žilho kukuruzpöudol vl 1958 otmaha kävutamižhe raudkivendon Jakovlevo-löudmižsijad. Žilo sai lidnan statusad vl 2000.

Stroitel' šingotase Jakovlevo-kaivuden radol, sauvondmaterialiden edheotandoil (raudbetontegesed, montažezitegesed), mugažo lihanümbriradai tegim radab.

Geografijan andmused[vajehta | vajehtada tekst]

Lidn sijadase Vorskl-jogen hural randpolel (Dnepran bassein), 220 m ü.m.t. keskmäižel korktusel. Matkad Belgorodan röunhasai om 10 km suvhe avtotedme, keskushesai — 21 km. Raudten lopstancii om olmas vaiše ajamha jüguid.

Koume pen't futorad mülüdas lidnankundha Stroitelin ližaks. Lidnankundan pind — 34,7 km².

Eläjad[vajehta | vajehtada tekst]

Vn 2010 Venäman rahvahanlugemižen mödhe lidnan eläjiden lugu oli 23 933 ristitud, lidnankundan — 24 304 ristitud, rajonan kaks' videndest. Kaikiš suremb lidnan ristitišt oli 24 526 ristitud vl 2017. Sil-žo vodel kaik 24 914 ristitud elihe lidnankundas. Ortodoksižen hristanuskondan koume jumalanpertid i protestantizman koume pühäpertid oma olmas lidnas.

Professionaližen opendusen aluzkundad oma Jakovlevon politehnine tehnikum[1] i Jakovlevon pedagogine kolledž.

Homaičendad[vajehta | vajehtada tekst]

  1. Jakovlevon politehnižen tehnikuman sait (yapolitech.ru). (ven.)

Irdkosketused[vajehta | vajehtada tekst]


Belgorodan agjan lidnad
Aleksejevk | Belgorod | Birüč | Graivoron | Gubkin | Koroč | Stroitel' | Šebekino | Uz' Oskol | Valuikad | Vanh Oskol