Makedonii

Vikipedii
Hüpähtada: navigacii, Ecind
Makedonijan Tazovaldkund
Република Македонија
 Flag
Flag of Macedonia.svg
 Valdkundznam
Coat of arms of the Republic of Macedonia.svg
Pälidn Skopje
Eläjiden lugu (2011) 2,058,539[1] ristitud
Pind 25,333 km²
Makedonijan TazovaldkundРепублика Македонија
Kel' makedonijan
Valdkundan pämez' George Ivanov
Päministr Nikola Grujevskii
Religii hristanuskond, islam
Valüt Makedonijan denar (MKD)
Internet-domen .mk, .мкд
Telefonkod +389
Aigvö tal'vel UTC+1,
kezal UTC+2

Makedonijan Tazovaldkund (makedonijan kelel Република Македонија), vai muite Makedonii, om valdkund Evropan suvipalas, Balkanan pol'sarel. Oficialine valdkundan nimituz ÜRO:s om Enččen Jugoslavijan Makedonijan Tazovaldkund (maked. Поранешна Југословенска Република Македонија). Sen pälidn da kaikiš suremb lidn om Skopje.

Etimologii[redaktiruida | redigeeri lähteteksti]

Valdkundan nimi om saudud amuižiden makedonijalaižiden nimitusespäi (grek. Μακεδόνες — Makedónes). Heiden nimituz oli saudud amuižgrekan kelen μακεδνός (makednós)-adjektivaspäi, «korged; kazvokaz; hoik tohuz»-znamoičendanke. Nece om mägiden eläjiden ümbrikirjutand. Grekan kelen μάκρος (mákros)-sanas piduz-znamoičendanke om se-žo tüvi.

Istorii[redaktiruida | redigeeri lähteteksti]

Vn. 1991 sügüz'kun 8. päivän Makedonii tedištoiti ripmatomudes Jugoslavijaspäi.

Jäl'gmäine Konstitucijan udištamine oli vn 2001 keväz'kul[2].

Geografijan andmused[redaktiruida | redigeeri lähteteksti]

Makedonijan topografine kart.

Makedonii om mavaldkundröunoiš Kosovon[3] da Serbijanke pohjoižes (röunan piduz — 221 km), Bolgarijanke päivnouzmas (148 km), Grekanmanke suves (228 km) da Albanijanke päivlaskmas (151 km). Ühthine röunoiden piduz — 748 km. Makedonii om mererandatoi valdkund.

Valdkundan kaikiš korktemb čokkoim om Korab-mägi Albanijan röunal, 2753 m valdmeren pindan päl.

Makedonijan klimat om ven da subtropine. Lämuz vilukul om +11...+12°C, heinkul — +21...+23°C. Paneb sadegid 500-700 millimetrad pohjoižes.

Londuseližed päresursad — hrom, vas'k, raudkivend, cink, hahktin, marganc, asbest, rik, hobed.

Politine sistem[redaktiruida | redigeeri lähteteksti]

Makedonijan Tazovaldkundan parlament Skopjes.

Ohjandusen form — parlamentine tazovaldkund äjiden partijoiden sistemanke. Nece om unitarine valdkund.

Valdkundan pämez' om prezident (rahvaz valičeb händast 5 vodeks, ühten kahtenden strokun om voimuz). Hänel om vähä tobmut, ohjastusen päministr om Tazovaldkundan pämez' faktižikš. Päministr paneb radsijha toižid ministrid.

Parlament om üks'kodine. Üks'jäine kodi om Suiman Kodi (maked. Собрание), mülüb 120 deputatad-ühtnijad (heid rahvaz valičeb 4 vodeks).

Vl 2014 prezidentan da parlamentan järgvaličendad oliba.

Administrativiž-territorialine jagand[redaktiruida | redigeeri lähteteksti]

   Kacu kirjutuz: Makedonijan Tazovaldkundan administrativiž-territorialine jagand.

Makedonijan Tazovaldkund alajagase 84 municipalitetha (maked. opština), 10 niišpäi kogotas Skopjeks. Mugažo oficialižeta valdkund alajagase 8 statistižhe regionha.

Eläjad[redaktiruida | redigeeri lähteteksti]

Makedonijas elädas makedonijalaižed.

Makedonijan toižed sured lidnad (enamba 50 tuh. rist., surembaspäi penembha): Bitol, Kumanovo, Prilep, Tetovo.

Ižanduz[redaktiruida | redigeeri lähteteksti]

Vl 2012 Makedonijan päeksport oli sobad, teraz; toine eksport — söm, tabak, avtoiden palad.

Homaičendad[redaktiruida | redigeeri lähteteksti]

  1. Makedonijan ristitišt. — Makedonijan Statistikan Radnikoičend (stat.gov.mk).
  2. Устав на Република Македониjа (Makedonijan Tazovaldkundan Konstitucii) vl 2011. — World intellectual property organization (wipo.int). (angl.)
  3. Makedonii tundišti Kosovon ripmatomut.

Irdkosketused[redaktiruida | redigeeri lähteteksti]



Evropan valdkundad
Evropan valdkundad
Alamad | Albanii | Andorr | Armenii1 | Azerbaidžan1 | Avstrii | Bel'gii | Bolgarii | Bosnii da Gercegovin | Čehanma | Danii | Estinma | Francii | Grekanma | Gruzii1 | Horvatii | Irlandii | Islandii | Ispanii | Italii | Kazahstan1 | Kipr1 | Latvii | Litvanma | Lihtenštein | Lüksemburg | Mad'jaranma | Makedonii | Mal't | Moldov | Monako | Mustmägi | Norvegii | Pol'šanma | Portugalii | Ročinma | Romanii | San Marino | Saksanma | Serbii | Slovakii | Slovenii | Suomenma | Sur' Britanii | Šveicarii | Turkanma1 | Ukrain | Vatikan | Vaugedvenäma | Venäma1

1 Om Azijas mugažo.