Tataban'j

Tataban'j
Tatabánya

Lidnanznam	Flag
Valdkund	Mad'jaranma
Eläjiden lugu (2025)	64,785 ristitud
Pind	91,42 km²
Pämez'	Ilona Šüčne Poštovič (reduku 2019—, Ilona Szücsné Posztovics)
Telefonkod	+36−34
Aigvö	tal'vel UTC+1, kezal UTC+2

Lidnan kart (2021)

Tataban'j (mad'j.: Tatabánya [ˈtɒtɒbaːɲɒ], saks.: Totiserkolonie) om lidn Mad'jaranman lodehes. Se om Komarom-Estergom-agjan administrativine keskuz (vspäi 1950).

Istorii

Eländpunktan aluz om pandud radnikžiloks 19. voz'sadal samha kivihil't. Se sai lidnan statusad vl 1947. Ende oli metallurgijan i jüžmakon mašinansauvomižen keskuseks.

Tataban'j šingotase elektropaloiden tehmižel, pakuitesen pästandal, alüminijan ümbriradmižel.

Geografijan andmused

Lidnan sijaduz agjas i valdkundas (2017)

Lidn sijadase agjan keskuzpalas, alangištos Gereče- i Verteš-mägisel'giden keskes, 167 m ü.m.t. keskmäižel korktusel, «Budapešt — Ven»-raudtekeskustal.

Matkad Budapešthasai om vižkümne viž kilometrad suvipäivnouzmha.

Tobmuz

Tataban'j-lidn jagase kahesaks ümbrikoks.

Edeline lidnan pämez' om Čaba Šmidt (Csaba Schmidt, reduku 2010 — reduku 2019).

Eläjad

Vn 2011 Mad'jaranman rahvahanlugemižen mödhe lidnan eläjiden lugu oli 67 753 ristitud, agjan videndez, vn 2022 — 65 830 ristitud. Kaikiš suremb lidnan ristitišt oli 75 971 eläjad vl 1980.

Rahvahad (enamba 0,4 % vl 2011): mad'jaralaižed — 82,8 %, saksalaižed — 2,6 %, čiganalaižed — 1,8 %, slovakijalaižed — 0,4 %, toižed rahvahad — 0,4 %, rahvahuden ozutandata — 12,0 %.

Religijan mödhe (2011): katolikad — 26 %, kal'vinistad — 6 %, lüteranižusen polenpidajad — 1 %, toižed uskojad — 1,2 %, religijatomad — 34,5 %, jätiba vastuseta — 31,3 %.

Galerei

• 
  Lidnan tobmuden sauvuz (2017)
• 
  Ph. Mikoi-arhangelan jumalanpert' Banhidas (1885, katoline), vn 2017 nägu
• 
  Edutus-universitet, A-sauvuz vl 2008
• 
  Teatr Mari Jasai-aktrisan nimed (ende Rahvahapert', vn 2014 olend)
• 
  Vértes-torguindkeskuz, avtobusstancii i Tataban'j-päraudtestancii vl 2017

Irdkosketused

• Lidnan oficialine sait (tatabanya.hu). (mad'j.)