Tomari (Venäma)
Lidnanznam
|
Flag
|
| Valdkund | Venäma |
| Eläjiden lugu (2023) | 4,299 ristitud |
| |
| Pämez' | Ol'ga Manžara (sügüz'ku 2020—) |
| Telefonkod | +7−42 446-xx-xxx |
| Avtokod | 65 |
| Aigvö | UTC+11 (MSK+8) |
Tomari (ven.: Томари́, japon.: トマリ Tomari, edel 1946. vot — japon.: 泊居 Tomarioru) om Venäman lidn Sahalinan agjan Sahalin-saren suves. Se om Tomarin lidnümbrikon administrativine keskuz (edel 2006. vot — rajonan).
Istorii
[vajehta | vajehtada lähtetekst]Eländpunktan aluz om pandud Venäman imperijha kuti Tomarioru vl 1870, nimituz libub ainan kelespäi. Vozil 1905−1945 oli Japonijan palaks. Japonijalaižed sauvoiba cellülozbumagašt tegint i kaivusid, tegim radoi satusekahas 1990-nzihe vozihesai. Anttihe lidnan statusad vl 1946 i kebnetihe nimed venäkel'žen ristitišton täht.
Tomari šingotase sömtegimištol (kalan ümbriradmine), hilen samižel, mecan varhapanendal.
Geografijan andmused
[vajehta | vajehtada lähtetekst]Lidn sijadase Tomarink-jogensun randoil (ven.: Томаринка, 41 km pitte) i Tünen valdmeren Tataran sal'men suvipäivnouzmaižel randal, 20 m ü.m.t. keskmäižel korktusel. Matkad Suvisahalinskhasai om 102 km suvipäivnouzmha orhal, 182 km avtotedme vai raudtedme. Toižed lähembaižed lidnad oma Dolinsk 75 km suvipäivnouzmha orhal, 140 km avtotedme vai raudtel i Holmsk 79 km suvhe orhal, 91 km avtol vai raudtedme.
Eläjad
[vajehta | vajehtada lähtetekst]Vn 2010 Venäman rahvahanlugemižen mödhe lidnan eläjiden lugu oli 4 541 ristitud, lidnümbrikon pol'. Kaik 3 774 eläjad oli lidnas vl 2017. Kaikiš suremb lidnan ristitišt oli 8 865 eläjad vl 1935, 9 909 eläjad vl 1959 i 8 121 eläjad vl 1989.
Ortodoksižen hristanuskondan Sündun Tozimel'žen Ristan Zdvižen'jan uz' puine jumalanpert'[1] om saudud vll 2004−2007. Sintoizman pühäpertin kompleksan jändused oma kaičenus sambnuden vulkanan päl.
Professionaližen opendusen aluzkundad ratas lähembaižiš lidnoiš.
Municipaližen ühtnikan pämez' om sen Administracijan pämez'. Edeline lidnümbrikon pämez' om Aleksandr Kobelev (kül'mku 2016 — sügüz'ku 2020).
Homaičendad
[vajehta | vajehtada lähtetekst]Irdkosketused
[vajehta | vajehtada lähtetekst]- Lidnan da lidnümbrikon tobmuden aluzkundoiden oficialine sait (tomari.sakhalin.gov.ru) i sen vanh versii. (ven.)
- Lidn da lidnümbrik Sahalinan agjan ohjastusen oficialižel sakhalin.gov.ru-saital. (ven.)
 |
Tomari (Venäma) Vikiaitas |
| Sahalinan agjan lidnad | ||
| Aleksandrovsk Sahalinal | Aniv | Dolinsk | Holmsk | Korsakov | Kuril'sk | Makarov | Nevel'sk | Oh | Poronaisk | Severokuril'sk | Suvisahalinsk | Tomari | Uglegorsk | ||