Pržibram

Pržibram
Příbram
Lidnanznam;	Flag;
Valdkund	Čehanma
Eläjiden lugu (2025)	32,773 ristitud
Pind	36,1 km²
Pämez'	Jan Konvalinka; (2019—)
Telefonkod	+420
Avtokod	S
Aigvö	tal'vel UTC+1,; kezal UTC+2

Pržibram (čeh.: Příbram [ˈpr̝̊iːbram], saks.: Pribram / Przibram, vozil 1939−45 Pibrans) om Čehanman lidn Keskčehanman randas, Pržibraman ümbrikon administrativine keskuz.

Istorii

Eländpunkt mainitase dokumentoiš ezmäižen kerdan vl 1216. Se sai lidnan oiktusid vl 1406. 18.-20. voz'sadoil saihe hobedad da raudkivendod lidnas.

Geografijan andmused

Lidn sijadase valdkundan päivlaskmas, randan suvipäivlaskmas, 502 m keskmäižel korktusel valdmeren pindan päl. Om läz kuz'kümned kilometrad matkad Praghasai pohjoižpäivnouzmha.

Klimat om ven. Voden keskmäine lämuz om +7,2 C°. Paneb sadegid 651 mm vodes.

Tobmuz

Lidnan municipalitet kogoneb kahesatoštkümnes palaspäi: Pržibram I..IX i nimitadud.

Edeline lidnan pämez' om Jindržih Varžeka (čeh.: Jindřich Vařeka), radoi vll 2014−2019.

Eläjad

Vn 2011 Čehanman rahvahanlugemižen mödhe lidnan eläjiden lugu oli 33 084 ristitud. Kaik 32 897 eläjad oli lidnas vl 2017. Kaikiš suremb lidnan ristitišt oli 36 898 eläjad vl 1991.

Hristanuskondan nell' pühäpertid om lidnas: koume katoližen jumalankodikundan kostelad i lüteranine kirh.

Galerei

Lidnan tobmuden sauvuz (2021)
Ph. Iakov-apostolan jumalanpert' (riman katoline, 13. voz'sada), vn 2019 nägu
Kul'turkeskuz i teatr A. Dvoržakan nimed (2019)
Pržibram-päraudtestancii vl 2021

Sebruzlidnad

Venäma Čehov, Moskvan agj, Venäma (vspäi 1994)
Saksanma Fraiberg, Saksonii, Saksanma (vspäi 1999)
Alamad Horn, Alamad (1992)

Lidnad-partn'orad

Saksanma Al'tötting, Bavarii, Saksanma (1995)^[1]
Francii Anor, Francii (2005)
Slovakii Kežmarok, Slovakii (1997)
Saksanma Königs-Vusterhauzen, Brandenburg, Saksanma (1974)
Italii Ledro, Italii (2008)
Pol'šanma Lešnic, Pol'šanma (2009)
Francii Vil'rü, Francii (1998)

Homaičendad

↑ Lidnad-partn'orad pribram.eu-saital. Königs-Vusterhauzen i Al'tötting-lidnad mainitasoiš municipaližel veb-saital lidnoikš kaikenaigaižiš ühthižtöiš, no eile niid sebruzlidnoiden nimikirjuteses.

Irdkosketused

Lidnan oficialine sait (pribram.eu). (čeh.) (+ äikel'ne känduz)

Pržibram Vikiaitas

[1] Lidnad-partn'orad pribram.eu-saital. Königs-Vusterhauzen i Al'tötting-lidnad mainitasoiš municipaližel veb-saital lidnoikš kaikenaigaižiš ühthižtöiš, no eile niid sebruzlidnoiden nimikirjuteses.

[1]