Sukre

Sukre
Sucre (isp. i guar.)
Chuqichaka (keč.)
Sukri (aim.)

Lidnanznam	Flag
Valdkund	Bolivii
Eläjiden lugu (2021)	360,544 ristitud
Pind	1,768 km²
Pämez'	Enrike Leanjo (semendku 2021—, Enrique Leaño)
Telefonkod	+591-(0)4
Aigvö	UTC−4

Sukren sijaduz departamentas i valdkundas (vn 2005 kart)

Sukre (guar. i isp.: Sucre [ˈsukɾe], keč.: Chuqichaka; aimar.: Sukri) om Bolivijan oficialine pälidn valdkundan konstitucijan mödhe vspäi 1839. Se om valdkundan kudenz' lidn eläjiden lugun mödhe, mugažo om Čukisakan departamentan i sen Oropes-provincijan (Oropeza) administrativižeks keskuseks.

Istorii

Eländpunktan aluz om pandud vl 1538 kuti La Plat (isp.: Ciudad de la Plata de la Nueva Toledo) hobedan löudmižsijiden tagut. Se om udesnimitadud valdkundan kahtenden prezidentan kanzannimen mödhe vl 1839 (Antonio Hose Sukre, ohjandi vll 1825−1828), oficialiženke tedotamiženke pälidnaks. Vl 1898 ohjastuz sirdi La Pas-lidnha, sil-žo aigal hobedan samine tuli lophu.

Bolivijan Ülembaine Käskuzkund sijadase lidnas.

Sukre šingotase pälidnan funkcijoil i üläopendusen keskuseks, turizmal, cementan i söndtavaroiden pästandal, kebnal tegimištol.

Geografijan andmused

Lidn sijadase valdkundan keskuzpalan suves, departamentan lodehes, 2810 m ü.m.t. keskmäižel korktusel. Matkad La Pas-lidnhasai om 415 km lodeheze orhal vai 555 km avtoteidme.

Klimat om subtropine korktoiden mägiden kaks'sezonine. Voden keskmäine lämuz om +15,0 C°, tal'ven (semendku-eloku) +12,4..+14,1 C°, toižiš kuiš +14,9..+16,6 C°. Ekstremumad oma −4,4 C° (heinku) i +34,9 C° (kül'mku). Il'man lämuz voib ülitada +27 C° miččel taht kul. Paneb halad tal'vel harvoin, ei voi panda niid vilukus-sulakus. Paneb sadegid 646 mm vodes, vihmsezon oleskeleb tal'vkus-keväz'kus (87..148 mm kus), läz ei olele sadegid semendkus-elokus (18 mm pordos). Kun keskmäine relätivine nepsuz vajehtase 42..51 % röunoiš semendkus-redukus, 62..69 % tal'vkus-sulakus.

Tobmuz

Sukre jagase kahesaks nomeruidud rajonaks, sidä kesken om viž lidnrajonad i koume külärajonad.

Edeližed lidnan pämehed (merad) oma Rosario Lopes (kül'mku 2019 — semendku 2021, Rosario López Rojo de Aparicio), Ivan Arcienega (semendku 2015 — kül'mku 2019, Iván Arciénega).

Eläjad

Vl 2009 lidnan eläjiden lugu oli 295 455 ristitud. Kaikiš suremb ristitišt om nügüd'. Läz 390 tuhad eläjid om ezilidnoidenke (2021).

Irdkosketused

• Lidnan oficialine sait (sucre.bo). (isp.)