Viborg (Danii)

**Viborg**
	Lidnanznam;
Valdkund	Danii
Eläjiden lugu (2025)	43,645 ristitud
Pind	25,2 km²
Pämez'	Ul'rik Vil'bek; (viluku 2018—,; Ulrik Wilbek)
Telefonkod	+45−8
Aigvö	tal'vel UTC+1,; kezal UTC+2

Sil sanal voib olda toižid znamoičendoid; miše nähta niid, tulgat tänna.

Viborg (mugažo danijan kelel, virktas [ˈviˌpɒˀ]) om lidn Danijan pohjoižpalas. Se om Keskjutlandii-agjan administrativine keskuz da pala.

Istorii

Eländpunkt om kaikiš amuižembišpäi Danijas, mainitase 8. voz'sadan lopuspäi kut vikingiden žilo. Lidnan nimituz libub amuižskandinavijan kelespäi i kogoneb kahtes palaspäi: vé «pühäsija» i borg «lidnuz».

Danijan kaikiš amuižemb opendusen aluzkund radab lidnas, se om Viborgan kafedraline škol^[1] (gimnazii keskopendusenke, dan.: Viborg Katedralskole, 1150 openikad), vspäi 1060. Päjumalanpertin aluz om pandud 12. voz'sadal (dan.: Viborg Domkirke), nügüd'aigan se om lüteranižen Danijan jumalankodikundan Viborgan eparhijan keskuseks.

Lidn eli lämoipaloiš läbi vll 1501, 1567 i 1726. Jäl'gmäižes statjas paloi lophu pol'lidnad, i se udessündutihe vitkos. Viborg-raudtestancii om avaitud vl 1863.

Geografijan andmused

Lidn sijadase kundan keskuzpalas, agjan pohjoižes, 51 m ü.m.t. keskmäižel korktusel.

Matkad Kopenhagenhasai om 214 km päivnouzmha-suvipäivnouzmha orhal vai 324 km avtoteidme.

Eläjad

Vl 2022 lidnan eläjiden lugu oli 41 239 ristitud, kaiken Viborgan kundan — 96 847 ristitud 1474 km² pindal.

Galerei

Lidnan tobmuden sauvuz (2009, om saudud vl 1728)
Viborgan LEK vn 2014 kezal
Viborgan kafedraline škol (nügüdläine sauvuz om sätud vll 1922−1926), sulaku 2015
Lidnan stadion vn 2011 semendkus
Viborg-päraudtestancii vl 2019