Fokino (Bränskan agj)

Fokino
Фокино
Lidnanznam;	Flag;
Valdkund	Venäma
Eläjiden lugu (2021)	12,538 ristitud
Pind	24 km²
Pämez'	Nadežda Grišina; (tal'vku 2015—)
Telefonkod	+7−48 333-xx-xxx
Avtokod	32
Aigvö	UTC+3 (MSK+0)

Sil sanal voib olda toižid znamoičendoid; miše nähta niid, tulgat tänna.

Fokino (ven.: Фо́кино) om Venäman lidn da lidnümbrik Bränskan agjan pohjoižpäivnouzmas.

Istorii[redaktiruida | redaktiruida purde]

Eländpunktan aluz om pandud vl 1899 kuti žilo Borovk-külänno sauvomha da holitamha cementtegint. Vl 1929 nimitihe žilod Cementnii Zavod-radnikžiloks (ven.: Цементный Завод), möhemba muite Cementnii. Radnikžilo da Borovk-külä kätisoiš lidnaks udenke Fokino-nimenke, Ignat Fokin-revolücioneran kanzannimen mödhe. Vl 1969 Šibenec-žilo mülüi lidnha, ristitišton tobj pala eläb sen mikrorajonas üks' kilometr suvipäivlaskmha lidnan vanhas palaspäi jogen oiktal randal.

Vhesai 2002 lidn mülüi Dät'kovon rajonha.

Fokino šingotase sauvondmaterialiden pästandan edheotandoil: Mal'covan cementantegim (mülüb Evrocement-gruppha), šiferantegim^[1], raudbetontegesiden edheotand, azbestcementtegesiden kombinat, keramižiden torviden tegim ratas lidnas.

Geografijan andmused[redaktiruida | redaktiruida purde]

Lidn sijadase Bolv-jogen muugotil randoil (ven.: Болва, Desnan hurapol'ne bassein), 190 m ü.m.t. keskmäižel korktusel, Dät'kovon i Bränskan rajoniden röunal. Matkad Kalugan agjhasai om 10 km päivnouzmha, Bränskan röunhasai — 10 km suvhe avtotedme, keskushesai — 25 km. Toižed lähižed lidnad oma Sel'co 20 km suvipäivlaskmha orhal i Dät'kovo 15 km pohjoižhe kaikil teil.

Fokino om lidnümbrikon üks'jäine eländpunkt.

Eläjad[redaktiruida | redaktiruida purde]

Vn 2010 Venäman rahvahanlugemižen mödhe lidnan eläjiden lugu oli 13 876 ristitud. Kaik 13 065 elajad oli lidnas vl 2017. Kaikiš suremb lidnan ristitišt oli enamba 15 tuhad eläjid vll 1989−2008 (15 600 rist. vozil 1996 i 2000).

Ortodoksižen hristanuskondan kaks' jumalanpertid^[2] oma saudud lidnas: Pühän Jumalanmaman Sündundan i Katken.

Bränskan energomašinansauvomižen i radioelektronikan tehnikum, sen Fokinon filial^[3] (ende Fokinon industrialine tehnikum) om lidnan professionaližen opendusen aluzkundaks.

Galerei[redaktiruida | redaktiruida purde]

Rindazznam lidnan 85-voččele jubilejale
Šibenec-lidnanlapt vn 2011 redukus
Torhuden samine Mal'covan cementantegimel vl 2015
Fokino-raudtestancijal vl 2015

Homaičendad[redaktiruida | redaktiruida purde]

Irdkosketused[redaktiruida | redaktiruida purde]

Lidnan tobmuden aluzkundoiden oficialine sait (admfokino.ru). (ven.)

Fokino (Bränskan agj) Vikiaitas

	Bränskan agjan lidnad
	Bränsk \| Dät'kovo \| Fokino \| Karačev \| Klincad \| Mglin \| Novozibkov \| Počep \| Sel'co \| Sevsk \| Starodub \| Suraž \| Zlink \| Žukovk \| Trubčevsk \| Uneč

[1] Bränskan fibrocementantegimen sait (бфз.рф). (ven.)

[2] Fokinon pühäpertid sobory.ru-saital. (ven.)

[3] Bränskan energomašinansauvomižen i radioelektronikan tehnikum, Fokinon filialan sait (фокино.бтэир.рф). (ven.)

[1]

[2]

[3]