Starodub

Starodub
Стародуб

Lidnanznam	Flag
Valdkund	Venäma
Eläjiden lugu (2021)	17,687 ristitud
Pind	22 km²
Telefonkod	+7−48 348-xx-xxx
Avtokod	32
Aigvö	UTC+3 (MSK+0)

Starodub (ven.: Стародуб [stərɐˈdup]) om Venäman lidn Bränskan agjan suves. Se om Staroduban ümbrikon administrativižeks keskuseks da palaks. Edel vn 2020 elokud oli erigoittud lidnümbrikoks i ei mülünd Staroduban rajonha, sid' ühtištadihe kaht municipalitetad.

Istorii

Eländpunkt mainitase ezmäižen kerdan vl 1080 olijanke lidnusenke da lidnan statusanke Lavrentijan aigkirjas, mugažo Starodub-Severskii-nimenke. Se sai makundan lidnan statusad vl 1782.

Amuine pertišt om kaičenus tähäsai läz täuzin. Om äi vanhid kundaližid sauvusid i torgovanoiden pertid.

Starodub šingotase sömtegimišton edheotandoil: pästtas saguzid, kolbasoid, leibäd, kuivatud sömäd da konservid.

Geografijan andmused

Staroduban sijaduz rajonas i agjas vn 2009 kartal

Lidn sijadase ümbrikon keskuzpalan pohjoižes, Babinc-jogen randal (ven.: Бабинец, Vablin ližajogi, Dnepran bassein), 180 m ü.m.t. keskmäižel korktusel.

Matkad Bränskhasai om 145 km pohjoižpäivnouzmha. Vspäi 1900 raudtesarak ühtenzoitab lidnad lähembaiženke Uneč-lidnanke koumekümnes kilometras pohjoižhe.

Tobmuz

Starodub oli lidnümbrikon üks'jäižeks eländpunktaks.

Tamara Sorokvaša radoi lidnümbrikon pämehen (reduku 2014—).

Eläjad

Vn 2010 Venäman rahvahanlugemižen mödhe lidnan eläjiden lugu oli 19 010 ristitud, vn 2021 — 17 687 ristitud. Kaik 18 824 eläjad oli lidnas vl 2017. Kaikiš suremb lidnan ristitišt oli 19 400 eläjad vll 1996−2001.

Rahvahad (enamba 0,4 % vl 2021): venälaižed — 91,1 %, tadžikalaižed — 0,9 %, azerbaidžanlaižed — 0,7 %, ukrainalaižed — 0,4 %, toižed rahvahad — 2,1 %, rahvahuden ozutandata — 4,8 %.

Ortodoksižen hristanuskondan kuz' pühäpertid oma kaičenus i saudud lidnas: Hristan Raštvoiden päjumalanpert' (kozakišton), koume jumalanpertid i kaks' časounäd. Niiden ližaks ph. Mikulai-čudonsädajan päjumalanpert' i kümne jumalanpertid ei ole kaičenus.

Lapsiden opendusen aluzkundad oma kuz' nimitadud i nomeruidud päivkodid (nomer 1, 3..5, 12, 34), koume keskškolad (nomer 1, 2, 3), ehtal'ne škol türmatud kolonijanno, lapsiden sädamižen keskuz, čomamahtoiden škol A.I. Rubcan nimed, ümbrikon sportškol. Bränskan agrarine tehnikum om lidnan professionaližen opendusen aluzkundaks.

Galerei

• 
  Ümbrikon Administracii torgul (2008)
• 
  Muštnik i pühäpert' (2008)
• 
  Hristan Raštvoiden päjumalanpert' (kozakišton), vn 2014 nägu
• 
  Lidnan počtamt, ende Sur' sinagog (viluku 2020)
• 
  Staroduban kodirandantedištandmuzei (2023), ende Miklaševskijan usadib

Irdkosketused

• Staroduban municipaližen ümbrikon nevondkundan sait (стародубский-совет.рф). (ven.)
• Staroduban ümbrikon Administracijan sait (starodub.gosuslugi.ru) i sen vanh versii (adminstarrayon.ru, om täuttud vn 2024 tal'vkuhusai). (ven.)