Fokino (Bränskan agj)

Fokino
Фокино
Lidnanznam;	Flag;
Valdkund	Venäma
Eläjiden lugu (2021)	12,538 ristitud
Pind	24 km²
Pämez'	Oksana Popovič; (sügüz'ku 2018—)
Telefonkod	+7−48 333-xx-xxx
Avtokod	32
Aigvö	UTC+3 (MSK+0)

Sil sanal voib olda toižid znamoičendoid; miše nähta niid, tulgat tänna.

Fokino (ven.: Фо́кино) om Venäman lidn da lidnümbrik Bränskan agjan pohjoižpäivnouzmas.

Istorii

Eländpunktan aluz om pandud vl 1899 kuti žilo Borovk-külänno sauvomha da holitamha cementtegint. Vl 1929 nimitihe žilod Cementnii Zavod-radnikžiloks (ven.: Цементный Завод), möhemba muite Cementnii. Radnikžilo da Borovk-külä kändisoiš lidnaks vl 1964 udenke Fokino-nimenke, Ignat Fokin-revolücioneran kanzannimen mödhe. Vl 1969 Šibenec-žilo mülüi lidnha, ristitišton tobj pala eläb sen mikrorajonas üks' kilometr suvipäivlaskmha lidnan vanhas palaspäi jogen oiktal randal.

Vhesai 2002 lidn mülüi Dät'kovon rajonha.

Fokino šingotase sauvondmaterialiden pästandan edheotandoil: Mal'covan cementantegim (mülüb Evrocement-gruppha), šiferantegim^[1], raudbetontegesiden edheotand, azbestcementtegesiden kombinat, keramižiden torviden tegim ratas lidnas.

Geografijan andmused

Lidn sijadase Bolv-jogen muugotil randoil (ven.: Болва́ 213 km pitte, Desnan hurapol'ne bassein), 190 m ü.m.t. keskmäižel korktusel, Dät'kovon i Bränskan rajoniden röunal. Matkad Kalugan agjhasai om kümne kilometrad päivnouzmha, Bränskan röunhasai — kümne kilometrad suvhe avtotedme, keskushesai — 25 km. Toižed lähižed lidnad oma Sel'co 20 km suvipäivlaskmha orhal i Dät'kovo 15 km pohjoižhe kaikil teil.

Fokino-raudtestancii radaškanzi vl 1927, se om jüguiden täht, lähembaižed oma 207. km- i 214. km-raudteplatformad.

Tobmuz

Fokino om lidnümbrikon üks'jäižeks eländpunktaks.

Lidnümbrikon pämez' om sen Rahvahandeputatoiden Nevondkundan ezimez'. Lidnan Administracijan pämez' om Viktor Stepin vn 2022 elokuspäi. Edeline Administracijan pämez' om Nadežda Grišina (viluku 2016 — eloku 2022).

Eläjad

Vn 2010 Venäman rahvahanlugemižen mödhe lidnan eläjiden lugu oli 13 876 ristitud. Kaik 13 065 elajad oli lidnas vl 2017. Kaikiš suremb lidnan ristitišt oli enamba 15 tuhad eläjid vll 1989−2008 (15 600 rist. vozil 1996 i 2000).

Rahvahad (enamba 0,4 % vl 2021): venälaižed — 91,8 %, toižed rahvahad — 2,2 %, rahvahuden ozutandata — 6,0 %.

Ortodoksižen hristanuskondan kaks' jumalanpertid^[2] oma saudud lidnas: Pühän Jumalanmaman Sündundan i Katken.

Bränskan energomašinansauvomižen i radioelektronikan tehnikum, sen Fokinon filial^[3] (ende Fokinon industrialine tehnikum) om lidnan professionaližen opendusen aluzkundaks.

Galerei

Rindazznam lidnan 85-voččele jubilejale
Nevondkundaline lidnanznam
Šibenec-lidnanlapt vn 2011 redukus
Torhuden samine Mal'covan cementantegimel vl 2015
Fokino-raudtestancijal vl 2015

Homaičendad

Irdkosketused

Lidnan tobmuden aluzkundoiden oficialine sait (admfokino.ru). (ven.)

Fokino (Bränskan agj) Vikiaitas

	Bränskan agjan lidnad
	Bränsk \| Dät'kovo \| Fokino \| Karačev \| Klincad \| Mglin \| Novozibkov \| Počep \| Sel'co \| Sevsk \| Starodub \| Suraž \| Zlink \| Žukovk \| Trubčevsk \| Uneč

[1] Bränskan fibrocementantegimen sait (бфз.рф). (ven.)

[2] Fokinon pühäpertid sobory.ru-saital. (ven.)

[3] Bränskan energomašinansauvomižen i radioelektronikan tehnikum, Fokinon filialan sait (фокино.бтэир.рф). (ven.)

[1]

[2]

[3]